ព័ត៌មានជាតិ
រយៈពេល០៩ខែ បង្ក្រាបបទល្មើសគ្រឿងញៀន សរុបចំនួន ១.៣៣៣ករណី
របាយការណ៍របស់មន្ទីរប្រឆាំងគ្រឿងញៀន បានឲ្យដឹងថា រយៈពេល៩ខែ នាឆ្នាំ២០២០នេះ សមត្ថកិច្ចបង្រ្កាបបានករណីគ្រឿងញៀន សរុបចំនួន ១.៣៣៣ករណី ខណៈអ្នកពាក់ព័ន្ឋជាច្រើននាក់ទៀត ត្រូវបានឃាត់ខ្លួន។
ក្នុងកិច្ចប្រជុំ កាលពីថ្ងៃទី២១ ខែតុលា ឆ្នាំ២០២០ នៅសាលប្រជុំអគ្គស្នងការដ្ឋាននគរបាលជាតិ លោកឧត្ដមសេនីយ៍ទោ អ៊ិន សុង នាយករងមន្ទីរប្រឆាំងគ្រឿងញៀន បានឡើងរាយការណ៍ថា រយៈពេល០៩ខែ នៃឆ្នាំ២០២០នេះ សមត្ថកិច្ចបង្ក្រាបបទល្មើសគ្រឿងញៀន សរុបចំនួន ១.៣៣៣/១.៣១១ករណី កើន២២ករណី ស្មើ ១,៦៥% ឃាត់ខ្លួន២២០០/២១១២នាក់ ចាប់យកសារធាតុញៀនគ្រប់ប្រភេទសរុប ៤០០,៤៩/៤៣,១៣ គីឡូក្រាម រួមនឹងមធ្យោបាយ សម្ភារវត្ថុតាងមួយចំនួនទៀត។
របាយការណ៍បានឲ្យដឹងថា ករណីជួញដូរ ៧៥៩/៦៣៦ករណី កើន ១២៣ករណី ស្មើ១៦% ឃាត់ខ្លួន ១១៣៦/៩៤១នាក់ កើន ១៩៥នាក់ ស្មើរ ១៧,១៦%។ ករណីសំយោគ កែច្នៃ៣/១ ករណី ឃាត់ខ្លួន ៧នាក់/០ ករណីប្រើប្រាស់ ៥៧១/៦៧៤ករណី ឃាត់ខ្លួន ១០៥៧/១១៧១នាក់។ ដោយឡែករយៈពេល ០២សប្ដាហ៍ដើមខែតុលា ឆ្នាំ២០២០នេះ សមត្ថកិច្ចបង្ក្រាបករណីធំៗ បានចំនួន ០៥ករណី ឃាត់ខ្លួន ១៣នាក់ ចាប់យកសារធាតុញៀនគ្រប់ប្រភេទសរុបទម្ងន់ ២.១១៣,៣៦គីឡូក្រាម (ក្នុងនោះសារធាតុញៀនប្រភេទការទីណូនទម្ងន់ ១.៩០០គីឡូក្រាម) ។
ដោយអនុវត្តតាមអនុសាសន៍ដឹកនាំដ៏ខ្ពង់ខ្ពស់ របស់សម្ដេចតេជោ ហ៊ុន សែន នាយករដ្ឋមន្ត្រីកម្ពុជា ក៏ដូចជានាយឧត្តមសេនីយ៍ កែ កឹមយ៉ាន ឧបនាយករដ្ឋមន្ត្រី និងជាប្រធានអាជ្ញាធរជាតិ ប្រយុទ្ធប្រឆាំងគ្រឿងញៀន គួបផ្សំការដកចេញនូវវិធានការគន្លឹះរបស់អគ្គស្នងការដ្ឋាននគរបាលជាតិ កម្លាំងអនុវត្តច្បាប់ បានបើកកិច្ចប្រតិបត្តិការប្រយុទ្ធប្រឆាំងបទល្មើសគ្រឿងញៀន យ៉ាងសកម្មផុសផុល និងទទួលបានលទ្ធផលគួរឲ្យកត់សម្គាល់ ក្នុងនោះករណីធំៗ ៣០ករណី (ទីតាំងកែច្នៃ ០៣កន្លែង) ត្រូវបានបង្ក្រាប ដោយចាប់យកសារធាតុញៀន គ្រប់ប្រភេទទម្ងន់ ប្រមាណជាង ០២តោន ព្រមទាំងចាប់មេខ្លោង ចំនួន ១១នាក់ និងខ្សែរយៈបណ្ដាញ ចំនួន ៤៧នាក់។
ដោយឡែក ការពង្រឹង ពង្រីកកិច្ចសហប្រតិបត្តិការជាមួយដៃគូជាតិ-អន្តរជាតិ រួមទាំងប្រជាពលរដ្ឋ និងវិស័យឯកជន ក្នុងការផ្លាស់ប្ដូរនិងផ្ដល់ព័ត៌មានទាន់ពេលវេលា គួបផ្សំសមត្ថភាពបទពិសោធន៍របស់មន្ត្រីអនុវត្តច្បាប់ និងឧបករណ៍បច្ចេកទេសផងនោះ បានធ្វើឲ្យកិច្ចប្រតិបត្តិការបង្ការ ទប់ស្កាត់ និងបង្ក្រាបកាន់តែមានប្រសិទ្ធភាព។ ករណីលួចដឹកជញ្ជូនគ្រឿងញៀនឆ្លងកាត់កម្ពុជា ១៦ករណីធំៗ ទៅប្រទេសទី៣ ត្រូវបានបង្ក្រាប ក្នុងនោះតាមផ្លូវគោក ០៧ករណី តាមផ្លូវអាកាស ០៣ករណី តាមកញ្ចប់បញ្ញើប្រៃសណីយ៍ចំនួន ០៥ករណី និងផ្លូវទឹកចំនួន ០១ករណី ដែលមានបរិមាណសារធាតុញៀនសរុបប្រមាណ ២៩៣,៤២គីឡូក្រាម ។
លោកឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន បានលើកឡើងថា «នេះជាលទ្ធផល និងជាគុណសម្បត្តិរបស់កងកម្លាំង ក្នុងកិច្ចប្រតិបត្តិការកន្លងមក គឺយើងទទួលបានលទ្ធផលគួរជាទីមោទនៈ ដែលមានការកើនឡើងជាបន្តបន្ទាប់ ជាពិសេសយើងចាប់បានគ្រឿងញៀន និងសារធាតុផ្សំជិត ៣តោនកាលពីពេលថ្មីៗនេះ។ ប៉ុន្តែយើងក៏នៅមានចំណុចខ្វះខាត ចន្លោះប្រហោងមួយចំនួន ពាក់ព័ន្ធនឹងជំនាញ បច្ចេកទេសផងដែរ ដែលត្រូវទាមទារឲ្យកម្លាំងយើងខិតខំពង្រឹងសមត្ថភាពបន្ថែមទៀត ។
នាឱកាសនោះនាយឧត្តមសេនីយ៍ ម៉ក់ ជីតូ អគ្គស្នងការរងនគរបាលជាតិ បានដាក់ទិសដៅបន្តចំនួន៦ចំណុច ដល់នគរបាលប្រឆាំងបទល្មើសគ្រឿងញៀនទាំងអស់ ដើម្បីបន្តជំរុញការអនុវត្តផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់របស់រាជរដ្ឋាភិបាល ឲ្យមានប្រសិទ្ធភាពបន្ថែមទៀត។
ទិសដៅទាំង ៦ចំណុចនោះ រួមមាន ៖ ១. បន្តជំរុញការអនុវត្តផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់របស់រាជរដ្ឋាភិបាលឲ្យមានប្រសិទ្ធភាព។ ២. បន្តជំរុញការស្រាវជ្រាវស៊ើបអង្កេតបណ្តាករណីធំៗ ដែលនៅសេសសល់ ដើម្បីបង្ក្រាបឲ្យដល់ឫសគល់។ ៣. បន្តស្រាវជ្រាវស៊ើបអង្កេត និងបង្ក្រាបបទល្មើសសម្អាតប្រាក់ ដែលជាផលនៃបទល្មើសគ្រឿងញៀន។ ៤. បន្តជំរុញអនុវត្តវិធានការស្រាវជ្រាវស៊ើបអង្កេត បង្ការ ទប់ស្កាត់ និងបង្ក្រាបការនាំចូល ការលួចលាក់កែច្នៃ និងការជួញដូរប្រើប្រាស់ នៅតាមគោលដៅសប្បាយដ្ឋាន ដោយត្រូវពង្រឹងការតាមដានគ្រប់គ្រងត្រួតពិនិត្យសកម្មភាពនៅតាមបន្ទាត់ព្រំដែន ព្រមទាំងអនុវត្តនូវវិធានការរដ្ឋបាល និងវិធានការច្បាប់យ៉ាងតឹងរឹងបំផុត ដោយអនុវត្តតាមស្មារតីនៃពាក្យស្លោករបស់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ «៣កុំ ១រាយការណ៍»។ ៥. ពង្រឹងកិច្ចសហប្រតិបត្តិការផ្លាស់ប្តូរព័ត៌មាន ជាមួយដៃគូសហប្រតិបត្តិការទាំងក្នុងនិងក្រៅតំបន់ ដោយខិតខំកសាង និងពង្រឹងយន្តការទំនាក់ទំនងឲ្យបានច្បាស់លាស់ ។ ៦. ពង្រឹងសមត្ថភាពមន្ត្រី នៃការិយាល័យទំនាក់ទំនងព្រំដែន (BLO) និងលើកកម្ពស់សមត្ថភាពមន្ត្រីអនុវត្តច្បាប់ តាមរយៈការបណ្តុះបណ្តាលសមត្ថភាពជំនាញនិងច្បាប់៕
អត្ថបទ៖ រ៉ាវុទ្ធ
សូមចុចអាន៖ ប្រកាសកំណត់តំបន់ធ្វើការវិនិច្ឆ័យចុះបញ្ជីដីធ្លីមានលក្ខណៈជាប្រព័ន្ធនៅស្រុកព្រៃនប់
សមត្ថកិច្ចចេញបទបញ្ជា និងចុះណែនាំអ្នកលក់ អ្នកលេងផាវ កាំជ្រួច នាឱកាសចូលឆ្នាំប្រពៃណីចិនខាងមុខ
មកដឹងចំណុចពិសេសនៃទេពកោសល្យច្រៀងរបស់ ព្រាប សុវត្ថិ
សហជីព កម្មករ និងពលរដ្ឋ ៖ បើគ្មានថ្ងៃជ័យជម្នះ៧មករា ពួកគាត់គ្មានឱកាសទទួលបានការងារសមរម្យឡើយ
រុស្ស៊ីផ្ដល់អាហារូបករណ៍៣កន្លែងសម្រាប់ជំនាញទាក់ទងនឹងនុយក្លេអ៊ែរស៊ីវិលដល់និស្សិតកម្ពុជា
ក្រោយជាប់គុក២៥ឆ្នាំ ទើបតុលាការរកឃើញថា ភស្តុតាងមិនស៊ីគ្នា
តារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
សមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី
អ្នកសិល្បៈ តក់ស្លុត និងសោកស្តាយនូវការបាត់បង់ តារា Rapper RuthKo ជួបគ្រោះថ្នាក់ចរាចរណ៍យប់មិញ
បិទចរាចរណ៍នៅកំពង់ចម្លងជ្រោយចង្វារ កំពង់ចម្លងអរិយក្សត្រ និងកំណាត់ផ្លូវមួយចំនួន ជុំវិញមហោស្រពកោះពេជ្រ ស្អែកនេះ
មកដឹងពីជីវិតសិល្បៈត្រួសៗរបស់ Rapper ល្បីឈ្មោះ Ruthko
-
ព័ត៌មានជាតិ៤ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍១៩ ម៉ោង agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៥ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៤ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៥ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
ព័ត៌មានជាតិ៤ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
សេដ្ឋកិច្ច៥ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
កីឡា៤ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ