អតីតយុទ្ធជន​ខេត្ត​ឧ​ត្ត​រ​មានជ័យ ជាង ២,៤០០​នាក់​ហើយ បានទទួលការ​វ៉ាក់សាំង​

​សមាជិកសមាគម​អតីតយុទ្ធជន​ខេត្ត​ឧ​ត្ត​រ​មានជ័យ បាន​ទទួល​វ៉ាក់សាំង​ការ​ចាក់​វ៉ាក់​ជាង២,៤០០​នាក់​ហើយ បើ​គិត​មក​ត្រឹម​ថ្ងៃ​ទី​១៨ ខែ​មេសា ឆ្នាំ​២០២១។

​ដោយមាន​ការណែនាំ​ជាប្រចាំ​ពី​សំណាក់ ឯកឧត្តម គន់ គីម ទេស រដ្ឋមន្ត្រី និង​ជា​អគ្គលេខាធិការ សមាគម​អតីត​យុ​ទ្ឋ​ជនកម្ពុជា និង​មានការ​ណែនាំ​ផ្ទា​ល់ពី ឯកឧត្តម ប៉ែន កុស​ល្យ អភិបាល នៃ​គណៈ​អភិបាលខេត្ត​ឧ​ត្ត​រ​មានជ័យ ប្រធាន កិត្តិយស​សមាគម អតីតយុទ្ធជន​កម្ពុជា​ខេត្ត​ឧ​ត្ត​រ​មានជ័យ​។ លោក ឧ​ត្ត​ម​សេនីយ៍​ទោ ហួត សុធី ស្នងការ​នគរបាល​ខេត្ត និង​ជា​ប្រធាន សមាគម​អតីតយុទ្ធជន​ខេត្ត​ឧ​ត្ត​រ​មានជ័យ បាន​ជំរុញ​ណែនាំ​អោយ លោក​អធិការនគរបាល​ក្រុង​-​ស្រុក​ដែលជា​ប្រធាន ស អ ក ក្រុង​ស្រុក និង​នាយប៉ុស្ដិ៍​នគរបាល​រដ្ឋ​បាល​ទាំងអស់ ខិតខំ​ណែនាំ ដឹកជញ្ជូន​ប្រមូល​ពូ មីង បងប្អូន​សមាជិក ស អ ក ដើម្បី​ចាក់​វ៉ាក់សាំង បង្ការ​ជំងឺ​កូ​វីដ​១៩ ឲ្យបាន​គ្រប់ៗ​គ្នា​។​

​នៅ​ខេត្ត​ឧ​ត្ត​រ​មានជ័យ មាន​សមាជិកសមាគម​អតីតយុទ្ធជន សរុប ២,៨៩៦​នាក់ គិត​មកដល់​ថ្ងៃទី​១៨ ខែមេសា ឆ្នាំ​២០២១​នេះ បានមក​ទទួល​វ៉ាក់សាំង​បាន​ជាង ២,៤០០​នាក់​ហើយ​៕​

អត្ថបទ៖​ ចាន់ធី​

សូមចុចអាន៖ បង​ប្អូន​ណ​ា​ខ្វះស្បៀង សូមទាក់ទងមកតាមបណ្តាញតេឡេក្រាម​នេះ