លក់សាច់ជ្រូកឡើងថ្លៃ ពេល​បិទ​ភ្នំពេញ អាជ្ញាធរចុះធ្វើកិច្ចសន្យា

ស្ត្រីជាអាជីវករលក់សាច់ជ្រូកម្នាក់នៅផ្លូវលេខ៣៤៨(ផ្សារលូ) ក្នុងសង្កាត់ ទួលស្វាយព្រៃទី១ ខណ្ឌ​បឹង​កេងកង ត្រូវបានកម្លាំងអាជ្ញាធរចុះធ្វើការអប់រំណែនាំ និងធ្វើកិច្ចសន្យាបញ្ឈប់សកម្មភាព ក្រោយ​ពិនិត្យឃើញថា ស្ត្រីរូបនេះលក់សាច់ជ្រូកឲ្យ​ប្រជាពលរដ្ឋក្នុងតម្លៃខ្ពស់ខុសពីធម្មតា អំឡុងពេលវិបត្តិ​ជំងឺ​កូវីដ១៩​កំពុងរាល​ដាលក្នុងសហគមន៍។

ស្ត្រីរូបនេះមានឈ្មោះ ស្រេង សុខជា អាយុ៦០ឆ្នាំ ជាអាជីវករលក់សាច់ជ្រូកនៅផ្សារលូ ផ្លូវ៣៤៨ សង្កាត់ទួលស្វាយព្រៃទី១ ខណ្ឌបឹងកេងកង រាជាធានីភ្នំពេញ។

ក្នុងកិច្ចសន្យានេះបានបញ្ជាក់ថា ប្រសិនបើស្ត្រីអាជីវកររូបនេះ នៅតែបន្តលក់ក្នុងតម្លៃខ្ពស់​បែបនេះ​ទៀត​ អាជ្ញាធរនឹង​បញ្ឈប់លែងឲ្យប្រកបអាជីវកម្មតែម្ដង៕

អត្ថបទ ៖ សុខុម