ព័ត៌មានជាតិ

ពលករ៤នាក់ ត្រូវមេខ្យល់២នាក់រត់ចោល ខណៈកម្លាំងចម្រុះជួរមុខឃាត់ខ្លួន

បានផុស

៤ years មុន

នៅ

ថ្ងៃចន្ទ ១៩ មេសា ២០២១

ដោយ

មេខ្យល់២នាក់ បានរត់គេចខ្លួនបាត់ស្រមោល នៅពេលពលករ៤នាក់ ត្រូវបានកម្លាំងចម្រុះជួមុខឃាត់ខ្លួន កាលពីវេលាម៉ោង ១និង៤០ នាទី រំលងអធ្រាត្រឈានចូលថ្ងៃទី១៨ ខែមេសា ឆ្នាំ២០២១ នៅភូមិសាស្ត្រ ភូមិព្រៃព្រិច សង្កាត់ប៉ោប៉ែត ក្រុងប៉ោយប៉ែត ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្លាំងចម្រុះជួរមុខបានឲ្យដឹងថា កម្លាំងចម្រុះនោះ រួមមាននគរបាលការពារព្រំដែនគោកវរសេនាតូចលេខ៩១១ កម្លាំងយោធាកងពលតូចថ្មើរជើងលេច៥១ និង កម្លាំងកងរាជអាវុធហត្ថ ដែលឈរជើង នៅបន្ទាត់ព្រំដែនកម្ពុជា ថៃ។ កម្លាំងចម្រុះជួមុខបានឲ្យដឹងបន្តទៀតថា ពេលសមត្ថកិច្ចសាកសួរពលករ បាននិយាយថា ពួកខ្លួនបានមកព្រំដែន ក្នុងបំណងឆ្លងដែនទៅរកការងារធ្វើនៅប្រទេសថៃ ដោយមានអ្នកនាំផ្លូវ២នាក់ ជូននិងបង់ថ្លៃផ្លូវឲ្យពួកគាត់ ប៉ុន្តែនៅពេលកម្លាំងស្ទាក់ឃាត់ពួកគាត់២នាក់នោះ បានរត់គេចខ្លួនបាត់ស្រមោលអស់ទៅ។ កងកម្លាំងបានបញ្ជូនពលករទាំង៤នាក់ ទៅយកសំណាករកមេរោគកូវីដ១៩ ហើយឲ្យធ្វើចត្តាឡីស័ក នៅមណ្ឌល ចាប់តាំងពីថ្ងៃនោះរហូតដល់គម្រប់១៤ថ្ងៃ ទើបអនុញ្ញាតឲ្យត្រឡប់ទៅផ្ទះវិញបាន៕