អាជ្ញាធរខណ្ឌដូនពេញបិទខ្ទប់ផ្សារកណ្តាលក្រោយអាជីវករម្នាក់ឆ្លងកូវីដ១៩

អាជ្ញាធរខណ្ឌដូនពេញបានដាក់កម្លាំងភ្លាមៗដើម្បីបិទខ្ទប់ផ្សារកណ្ដាលក្នុងរាជធានីភ្នំពេញកាលពីថ្ងៃទី ១៩ខែមេសាឆ្នាំ ២០២១នេះ ដោយសារតែមានអាជីវករលក់ដូរម្នាក់ត្រូវបានរកឃើញវិជ្ជមានកូវីដ19 ។ ជាមួយគ្នានោះដែរ អាជីវករដែលលក់ដូររួមជាមួយប្រជាពលរដ្ឋដែលចេញចូលផ្សារនោះត្រូវបានអាជ្ញាធរមិនអនុញ្ញាតឲ្យចេញចូលនោះទេគឺត្រូវរង់ចាំក្រុមគ្រូពេទ្យចុះយកសំណាក់សិន។

អាជ្ញាធរខណ្ឌដូនពេញបានឲ្យដឹងកាលពីរសៀលថ្ងៃនេះថា បន្ទាន់ពីគ្រូពេទ្យជំនាញបានរកឃើញស្ត្រីជាអាជីវករលក់ដូរក្រណាត់ជជុះនិងវាំងននជជុះម្នាក់ដែលមកពីខណ្ឌមានជ័យចូលមកលក់នៅក្នុងផ្សារកណ្តាលមានវិជ្ជមានកូវីដ19 នោះជាមួយគ្នានោះដែរអាជ្ញាធរខណ្ឌក៏បានដាក់កម្លាំងព័ទ្ធជុំវិញផ្សារកណ្តាល (Lock down) ទីរួមផ្សារកណ្តាលទាំងមូលដើម្បីសម្របសម្រួលឲ្យក្រុមគ្រូពេទ្យ Tyda ចុះយកសំណាក់បងប្អូនអាជីវកររួមជាមួយប្រជាពលរដ្ឋដែលបានចេញចូលផ្សារនាព្រឹកនោះផងដែរ។ អាជ្ញាធរបានបញ្ជាក់ទៀតថាផ្សារកណ្ដាលនេះត្រូវបិទខ្ទប់ប្រៀបដូចនឹងផ្សារចាស់ដែរ៕

អត្ថបទ៖ រស្មី