ព័ត៌មានជាតិ

អាជ្ញាធររាជធានីភ្នំពេញសម្រេចដាក់តំបន់៣ ជាតំបន់ក្រហម ដែលត្រូវរឹតបន្តឹងឲ្យបានម៉ឺងម៉ាត់បំផុត

បានផុស

៤ years មុន

នៅ

ថ្ងៃចន្ទ ១៩ មេសា ២០២១

ដោយ

ភ្នំពេញ ៖ អាជ្ញាធររាជធានីភ្នំពេញនៅព្រលប់ថ្ងៃទី១៩ខែមេសានេះ បានចេញសេចក្តីសម្រេចមួយ ស្ដីពីការកំណត់ភូមិសាស្ត្រតំបន់ចំនួន៣ គឺ ខណ្ឌមានជ័យ ខណ្ឌទួលគោក និងខណ្ឌពោធិ៍សែនជ័យជាតំបន់ក្រហម នឹងត្រូវរឹតបន្តឹងឲ្យបានម៉ឺងម៉ាត់បំផុត នេះបើតាមសេចក្តីសម្រេចដែលកម្ពុជាថ្មីទទួលបាន។

តំបន់ក្រហមដែលសម្រេចរឹតបន្តឹងខ្លាំងនោះរួមមាន ៖

ទី១៖ ភូមិសាស្ដ្រសង្កាត់ស្ទឹងមានជ័យទី១, សង្កាត់ស្ទឹងមានជ័យទី២ និងសង្កាត់ស្ទឹងមានជ័យទី៣ នៃខណ្ឌមានជ័យ។

ទី២៖ ភូមិសាស្ដ្រសង្កាត់ចោមចៅទី១ ខណ្ឌពោធិ៍សែនជ័យ។

ទី៣៖ ភូមិ១៤, ភូមិ១៦ និងភូមិ១៧ នៃសង្កាត់បឹងសាឡាង ខណ្ឌទួលគោក។

ក្នុងសេចក្តីសម្រេចនោះ គឺមិនឲ្យបងប្អូនប្រជាពលរដ្ឋនៅក្នុងសង្កាត់នេះមិនឲ្យចាកចេញពីលំនៅឋានរបស់ខ្លួននិងធ្វើលំហាត់ប្រាណឡើយ។

ក្នុងករណីមានការបំពានវិធានការហាមឃាត់ការធ្វើដំណើរនិងវិធានការហាមឃាត់សកម្មភាពការងារ មុខរបរ ឬ អាជីវកម្មខាងលើនេះ អាជ្ញាធរអនុវត្តវិធានការបិទខ្ទប់ត្រូវអនុវត្តវិធានការច្បាប់យ៉ាងម៉ឺងម៉ាត់ ដោយរួមទាំងការឃាត់ទុកជាបណ្តោះអាសន្ននូវ មធ្យោបាយធ្វើដំណើរ និងទណ្ឌកម្មរដ្ឋបាលផ្សេងទៀត ដោយអនុលោមតាមបទប្បញ្ញត្តិ និងនីតិវិធីជាធរមាន។

ពិស្តារ ៖