ក្រសួង​ទេសចរណ៍ ៖ អាជីវកម្ម​ទេសចរណ៍​ទាំងអស់​ ត្រូវ​កត់ត្រា​វត្ត​មាន​ស្នាក់នៅ ដើម្បី​ទប់ស្កាត់​ជំងឺកូ​វីដ​-១៩

ភ្នំពេញ ៖ ក្រសួងទេសចរណ៍​ ​ធ្វើការ​ក្រើនរំលឹក​សាជាថ្មី​ដល់​ម្ចាស់ ឬ​អ្នកគ្រប់គ្រង​អាជីវកម្ម​ទេសចរណ៍​ទាំងអស់​នៅក្នុង​រាជធានី​ភ្នំពេញ និង​បណ្ដា​ខេត្ត​ទាំងអស់​ត្រូវ​យកចិត្តទុកដាក់​អនុវត្ត និង​ត្រូវ​រៀបចំ​តាម​វិធាន​សុវត្ថិភាព​ទេសចរណ៍​ឲ្យបាន​ខ្ជាប់ខ្ជួន និង​ប្រកបដោយ​ស្មារតី​ទទួលខុសត្រូវ​ដោយ​ប្រើប្រាស់​ប្រព័ន្ធ​គ្រប់គ្រង​ទិន្នន័យ​ភ្ញៀវ​ក្នុង​ឧស្សាហកម្ម​ទេសចរណ៍​ក្នុងដំណាក់កាល កូ​វីដ​-១៩ តាម​ប្រព័ន្ធ Telgram Bot។

ជាពិសេស​ត្រូវ​កត់ត្រា​វត្ត​មាន​នៃ​ការ​ស្នាក់នៅ ការចូលរួម​ប្រើប្រាស់​សេវាកម្ម​នៅ​តាម​មូលដ្ឋាន​អាជីវកម្ម​ទេសចរណ៍​នីមួយៗ ការ​ចុះឈ្មោះ​ភ្ញៀវ​នេះ​អាច​ប្រើប្រាស់​តាម​ប្រព័ន្ធ Telegram Bot ដើម្បី​ជា​ជំនួយ​ដល់​ការ​តាមដាន​ក្នុង​ការ​ឆ្លង​ជំងឺ​កូ​វីដ​-១៩​ជាយថាហេតុ៕