ប្រធានផ្សារកណ្តាលពន្យល់លម្អិតពីការបិទខ្ទប់ផ្សារកាលពីម្សិលម៉ិញ

លោកប្រធានផ្សារកណ្ដាលបានឲ្យដឹងនៅព្រឹកថ្ងៃទី ២០ ខែមេសាឆ្នាំ ២០២១ នេះថា កម្លាំងគណៈកម្មការផ្សាររួមទាំងសន្តិសុខសរុបជាង ២០ នាក់ត្រូវបានធ្វើចត្តាឡីស័កនៅក្នុងផ្សារតែម្ដង ចំណែកអាជីវករផ្សេងទៀតត្រូវបានអនុញ្ញាតឲ្យទៅធ្វើចត្តាឡីស័កនៅផ្ទះរៀងៗខ្លួន។

លោកប្រធានផ្សារកណ្ដាលបានឲ្យដឹងទៀតថា ដោយសារតែម្សិលមិញនៅថ្ងៃទី 19 នេះធាតុអាកាសមានភ្លៀងធ្លាក់ធ្វើឲ្យក្រុមគ្រូពេទ្យពិបាកនឹងចុះយកសំណាក់ទើបធ្វើឲ្យក្រុមគ្រូពេទ្យធ្វើការរហូតទៅដល់ម៉ោងជាង11យប់ទើបយកសំណាក់អ្នកទាំងអស់គ្នា ដែលកំពុង Lock downក្នុងផ្សារនោះអស់។

ប្រធានផ្សារកណ្ដាលរូបនោះបានបញ្ជាក់ទៀតថា ផ្សារនេះក្រោយពីតម្រូវឲ្យបិទខ្ទប់ រយៈពេល១៤ថ្ងៃហើយនឹងត្រូវបើកដំណើរវិញ ឬក៏សម្រេចនោះគឺរង់ចាំថ្នាក់លើជាអ្នកសម្រេច។

ប្រធានផ្សារកណ្ដាលបានបញ្ជាក់យ៉ាងច្បាស់ថា អាជីវករដែលត្រូវបានពេទ្យក្រសួងសុខាភិបាលរកឃើញថាផ្ទុកជំងឺកូវីដ19 នោះគឺគាត់រស់នៅសង្កាត់បឹងទំពន់ខណ្ឌមានជ័យ ប៉ុន្តែអាជីវករជាស្ត្រីរូបនោះមិនបានមកលក់នៅផ្សារកណ្ដាលនេះជាងមួយសប្តាហ៍ហើយ ប៉ុន្តែដោយសារតែគេរកឃើញគាត់ផ្ទុកជំងឺកូវីដ19 ហើយជាអាជីវករលក់ដូរនៅក្នុងផ្សារកណ្ដាលទើបក្រុមគ្រូពេទ្យចុះមកLock downហ៊ុមព័ទ្ធបរិវេណផ្សារយកសំណាកអាជីវករប្រជាពលរដ្ឋរួមទាំងនៅក្នុងផ្សារទាំងអស់តែម្តង៕

អត្ថបទ៖ រស្មី