ក្រសួងការពារជាតិប្រកាសរកឃើញនាយទាហាន២នាក់ឆ្លងជំងឺកូវីដ-១៩

នាយទាហានចំនួន២នាក់ ម្នាក់មានឋានៈថ្នាក់ឧត្តមសេនីយ៍ទោ និងម្នាក់ទៀតថ្នាក់ វរសេនីយទោ ត្រូវបានរកឃើញមានវិជ្ជមានវីរុសកូវីដ-១៩។

យោងតាមក្រសួងការពារជាតិបានឲ្យដឹងថានាយទាហាន២នាក់នោះមានឈ្មោះ ភៀក ប៊ុនឈឿន អត្តលេខ០១៣៦៨៥ ឋានន្តរសក្តិឧត្តមសេនីយ៍ទោ មុខងារ នាយករងនាយកដ្ឋានកិច្ចការរដ្ឋបាល អគ្គលេខាធិការដ្ឋាន ក្រសួងការពារជាតិ
មាន​​ទីលំនៅ​ ភូមិមិត្តភាព​សង្កាត់​ឫស្សីកែវ​ខណ្ឌ​ឫស្សីកែវ​រាជធានីភ្នំពេញ ត្រូវបានរកឃើញវិជ្ជមានកូវីដ-១៩ នៅថ្ងៃទី​១៧ ខែមេសា ឆ្នាំ២០២១ និងម្នាក់ទៀតកញ្ញា អ៊ួង សុវ៉ាន់ដារ៉ា អត្តលេខ១៩២០០៦ ឋានន្តរសក្តិ វរសេនីយ៍ទោ មុខងារ​នាយផ្នែកកិច្ចការនារី ការិយាល័យអប់រំចិត្តសាស្ត្រ អគ្គលេខាធិការដ្ឋាន ក្រសួងការពារជាតិ ទីលំនៅបច្ចុប្បន្នភូមិទូលសង្កែ សង្កាត់ទួលសង្កែ ខណ្ឌឬស្សីកែវ រាជធានីភ្នំពេញ ត្រូវបានរកឃើញវិជ្ជមានកូវីដ-១៩ នៅថ្ងៃទី១៩ខែមេសាឆ្នាំ២០២១ ។

ក្រសួងបានណែនាំដល់នាយទាហាន ពលទាហាន ដែលទាមទារឱ្យនាយទាហាន នាយទាហានរង និងពលទាហាន និងអ្នកពាក់ព័ន្ធដោយផ្ទាល់ ឬ ដោយប្រយោល ត្រូវអនុវត្តតាមវិធានការការពាររបស់ក្រសួងសុខាភិបាលឲ្យបានខ្ជាប់ខ្ជួន។
ក្រសួងការពារជាតិ បានបញ្ជាក់ថា អ្នកជំងឺទាំង២នាក់ ធ្លាប់បានចាក់វ៉ាក់សាំងចំនួន២លើករួចហើយ ៕

អត្ថបទ ៖ សំអឿន