ព័ត៌មានជាតិ

ផ្ទុះអាវុធ៣គ្រាប់ ករណីឡោមព័ទ្ធ មេខ្លោងគ្រឿងញៀននៅស្អាង

បានផុស

៤ years មុន

នៅ

ថ្ងៃអង្គារ ១០ វិច្ឆិកា ២០២០

ដោយ

កណ្ដាល ៖ មានករណីផ្ទុះអាវុធ៣គ្រាប់ ដោយមេខ្លោងគ្រឿងញៀន បានបាញ់សំដៅមកលើសមត្ថកិច្ច ដើម្បី ព្យាយាមគេចខ្លួន ចាកចេញពីកន្លែងឡោមព័ទ្ធ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានបានឲ្យដឹងថា ករណីផ្ទុះអាវុធនេះ កើតឡើងនៅវេលាម៉ោង៤និង៥០នាទីនារសៀល ថ្ងៃទី១០ ខែវិច្ឆិកា ឆ្នាំ២០២០ នៅចំណុចភូមិថ្កុល ឃុំត្រើយស្លា ស្រុកស្អាត ខេត្តកណ្ដាល។ ក្នុងនោះផងដែរ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្ដាល គឺជាអ្នកដឹកនាំកម្លាំងចុះដោយផ្ទាល់។

ប្រភពព័ត៌មានបានបន្តថា ដំបូងជនសង្ស័យបានបាញ់មកលើសមត្ថកិច្ចចំនួន១គ្រាប់ តែមិនបណ្ដាលឲ្យសមត្ថកិច្ចរងរបួសឡើយ បន្ទាប់មករយៈពេលប្រមាណជាង១ម៉ោង ក្រោយមកជនសង្ស័យបន្តបាញ់សំដៅមកលើសមត្ថកិច្ចចំនួន២គ្រាប់ទៀត។ ប្រភពដដែលបានបន្តថា ការបាញ់សំដៅមករកសមត្ថកិច្ចនេះ គឺជនសង្ស័យបាញ់ដើម្បីគំរាមសមត្ថកិច្ច នឹងព្យាយាមគេចខ្លួន ចាកចេញពីកន្លែងកើតហេតុ ដែលកំពុងលាក់ខ្លួន។

គួរឲ្យដឹងថា ក្នុងប្រតិបត្តិការនេះ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្ដាល បានដឹកនាំកម្លាំងចុះប្រតិបត្តិការដោយផ្ទាល់ និងបានធ្វើការឡោមព័ទ្ធ មេខ្លោងគ្រឿងញៀន ទៅតាមបច្ចេកទេសជំនាញ ដើម្បីឃាត់ខ្លួនជនសង្ស័យយកមកផ្តន្ទាទោស និងគ្រប់គ្រងស្ថានការណ៍ ដើម្បីបញ្ចៀសគ្រោះថ្នាក់ពីការបាញ់ប្រហារដោយជនសង្ស័យ៕
ប្រភព អគ្គស្នងការដ្ឋាននគរបាលជាតិ
កែសម្រួលដោយ ៖ នាគព័ន្ធ