ព័ត៌មានជាតិ

ខេត្តកំពង់ឆ្នាំងបិទផ្សារព្រៃខ្មែរ មន្ទីរព្យាបាល១កន្លែងនិងវត្ត១កន្លែងជាបណ្តោះអាសន្ន

បានផុស

៣ years មុន

នៅ

ថ្ងៃអង្គារ ២០ មេសា ២០២១

ដោយ

រដ្ឋបាលខេត្តកំពង់ឆ្នាំងសម្រេចបិទជាបណ្ដោះអាសន្នទីតាំងចំនួនបីកន្លែង រួមមានមន្ទីរសម្រាកព្យាបាលផ្សារឆ្នាំង វត្តទួលសទ្ធាសត្ថារាម និងផ្សារព្រៃខ្មែរ ក្នុងភូមិសាស្ត្រក្រុង និងស្រុករលាប្អៀរ ខេត្តកំពង់ឆ្នាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោក ឈួរ ច័ន្ទឌឿន អភិបាលខេត្តកំពង់ឆ្នាំងបានឲ្យដឹងនៅក្នុងសេចក្តីជូនដំណឹងចុះថ្ងៃទី២០មេសានេះថា ការសម្រេចបិទទីតាំងទាំងបីខាងលើនេះ ដោយសារទីតាំងទាំងនេះមានជាប់ពាក់ព័ន្ធនឹងបុគ្គលវិជ្ជមានឈ្មោះ នូចុល រស់នៅភូមិព្រះរាមរង្សី ឃុំជ្រៃបាក់ស្រុករលាប្អៀរខេត្តកំពង់ឆ្នាំងនៅថ្ងៃទី១៩ ខែមេសា ឆ្នាំ២០២១។

លោកអភិបាលខេត្តបានឲ្យទីតាំងនីមួយៗត្រូវធ្វើការស្រាវជ្រាវរកអ្នកជាប់ពាក់ព័ន្ធផ្ទាល់និងប្រយោលដើម្បីធ្វើតេស្តរកកូវីដ១៩ និង ធ្វើចត្តាឡីស័ករៀងៗខ្លួន៕

ដោយ ៖ សំអឿន