ព័ត៌មានជាតិ
អតីតកីឡាករជម្រើសជាតិ សុខ សុវណ្ណ ធ្វើតេស្តលើកទី១អវិជ្ជមានតែសមាជិកគ្រួសារ៧នាក់ឆ្លងកូវីដ-19
អតីតកីឡាករបាល់ទាត់ជម្រើសជាតិកម្ពុជា សុខ សុវណ្ណ បានបង្ហោះតាមគណនីហ្វេសប៊ុករបស់គេដោយជូនពរក្រុមគ្រួសារដែលវិជ្ជមានជំងឺកូវីដ-19 ឲ្យឆាប់ជាសះស្បើយឡើងវិញអមដោយរូបថតមានភរិយាកូនប្រុសនិងឪពុកក្មេកផងដែរនាល្ងាចថ្ងៃអង្គារទី២០ ខែមេសា ឆ្នាំ២០២១នេះ ស្របពេលដែលរូបគេធ្វើតេស្ដលើកទី១ចេញលទ្ធផលអវិជ្ជមាន។
បុរសវ័យ២៩ឆ្នាំ ដែលធ្លាប់ប្រកបអាជីពនៅក្រុមបាល់ទាត់តោក្រហម ភ្នំពេញក្រោនក្រុមនាគខៀវបឹងកេត និង ក្រុមសេះលឿងវិសាខារូបនេះ បានសរសេរលើហ្វេសប៊ុករបស់គេថា «សូមទេវតាជួយថែរក្សាពួកគាត់ (អ្នកនៅក្នុងរូបថត)នឹងជូនពរឲ្យអ្នកទាំងអស់គ្នាឆាប់ជានឹងឆាប់បានមកផ្ទះយើងវិញ»។
អ្នកឆ្លងកូវីដ-19ក្នុងគ្រួសារ សុខ សុវណ្ណ មានដល់៧នាក់ គឺភរិយាកូនប្រុសច្បងឪពុកក្មេកម្ដាយក្មេកនិងគ្រួសារម៉ាក់អ៊ំរបស់គេ៣នាក់ទៀត ដែលស្នាក់នៅផ្ទះជាមួយគ្នា។ សុខ សុវណ្ណ ធ្វើតេស្តយកសំណាកលើកទី១រួចរាល់ហើយ ទទួលអវិជ្ជមានដោយរង់ចាំធ្វើតេស្តលើកទី២ នៅថ្ងៃច័ន្ទសប្ដាហ៍ក្រោយ។ ពេលនេះ សុវណ្ណនិងកូនប្រុសទី២ និង សមាជិកគ្រួសារ៣នាក់ទៀត កំពុងតែធ្វើចត្តាឡីស័ករង់ចាំលទ្ធផលនៃការធ្វើតេស្តលើកទី២សិន។
សុខ សុវណ្ណ បានប្រាប់ថាអ៊ំប្រុសរបស់គេ លោក អ៊ុយ សុវណ្ណារិទ្ធ ជាអនុប្រធាននាយកដ្ឋានដឹកជញ្ជូនផ្លូវគោកនៃក្រសួងសាធារណការនិងដឹកជញ្ជូនទទួលមរណភាពដោយសារជំងឺកូវីដ-19កាលពីថ្ងៃទី១៨ ខែមេសា ឆ្នាំ២០២១ថ្មីៗនេះ។ ប៉ុន្តែគេបានប្រាប់ពីដើមចមដំបូងនៃការរីករាលដាលនៃជំងឺកូវីដ-19លើក្រុមគ្រួសារខ្លួននោះ អាចពាក់ព័ន្ធនឹងករណីនៅផ្សារអូរឫស្សី។
បើនិយាយពីសុខ សុវណ្ណ វិញគេបានប្រកាសចូលនិវត្តន៍ពីបាល់ទាត់នៅចុងឆ្នាំ២០២០ថ្មីៗនេះក្រោយប្រកបអាជីពនៅលើទីលានវាលស្មៅ អស់រយៈពេលជិត២០ឆ្នាំមកនេះ។ គេធ្លាប់ជាប់ឈ្មោះក្នុងក្រុមជម្រើសជាតិតាំងពីឈុតយុវជនដល់ឈុតធំ ហើយខ្សែការពាររូបនេះ ចាប់អាជីពដំបូងជាមួយក្រុមភ្នំពេញក្រោន រហូតដល់ឆ្នាំ២០១៣ ទើបផ្ទេរទៅកាន់ក្រុមបឹងកេត ហើយនៅឆ្នាំ២០១៩បន្តទៅចូលរួមជាមួយក្រុមវិសាខាហើយនៅឆ្នាំជាមួយគ្នាបានខ្ចីជើងទៅភ្នំពេញក្រោនវិញ រហូតដល់ឆ្នាំ២០២០៕
ដោយ ៖ ម៉េងហួរ
អយ្យការអមសាលាដំបូងខេត្តសៀមរាប ធ្វើសន្និសីទសារព័ត៌មាន ពាក់ព័ន្ធករណីឃាតកម្មលើអ្នកកាសែត
ក្រសួងអប់រំ ថាខ្លួនមិនដែលទទួលសំណើរណាមួយ ក្នុងការបញ្ចូលភាសាវៀតណាមទៅក្នុងកម្មវិធីសិក្សាផ្លូវការឡើយ
សិស្សស្រីៗ០៨នាក់ ត្រូវបានកម្លាំងកងរាជអាវុធហត្ថឃាត់ខ្លួនធ្វើការអប់រំ ក្រោយបានណាត់វៃគ្នា បង្ករបួសស្នាម
ប្រមុខការទូតកម្ពុជា ជជែកជាមួយសមភាគីវៀតណាមលើការពង្រឹងកិច្ចសហប្រតិបត្តិការទ្វេភាគី
សហព័ន្ធបាល់ទាត់ស៊ីរី ប្តូរពណ៌ឯកសណ្ឋាន ក្រោយលោក អាសាដ បានដួលរំលំ
ផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
គ្រាន់តែសរសេរពាក្យ «ញុំា» ខុស! សឿន វីតា ត្រូវបុរសចំណាស់ម្នាក់ប្រមាថដល់អ្នកមានគុណ
សឿន វីតា កំពុងកៀរគរសប្បុរជនជួយនិស្សិតពេទ្យបញ្ចប់ការសិក្សាម្នាក់ ដែលត្រូវលាងឈាម (មានវីដេអូ)
រុស្ស៊ី ស្នើសុំក្រុមឧទ្ទាមស៊ីរី ដែលផ្ដួលរបប Assad រក្សាទុកមូលដ្ឋានយោធា២កន្លែង
ព្រាប សុវត្ថិ នៅតែឈរលើតំណែងតារាចម្រៀងជួរមុខលំដាប់ប្រទេស
-
ព័ត៌មានអន្ដរជាតិ៣ ថ្ងៃ ago១១ខែ វៀតណាម រញ្ជួយដី ៤៥៨លើក
-
សុខភាព១៦ ម៉ោង agoផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានអន្ដរជាតិ២ ថ្ងៃ agoគ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
ចរាចរណ៍៣ ថ្ងៃ agoអ្នកជិះម៉ូតូ កង់ ឆ្លង់កាត់ចន្លោះសួនច្បារពុះចែកទ្រូងផ្លូវជាតិលេខ៣បង្កគ្រោះថ្នាក់ញឹកញាប់ដល់អ្នកដទៃ
-
ជីវិតកម្សាន្ដ៥ ថ្ងៃ agoអ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង
-
ព័ត៌មានជាតិ៣ ថ្ងៃ agoសត្វព្រៃជិតផុតពូជបំផុតជាច្រើនប្រភេទ បង្ហាញវត្តមាននៅតំបន់ប្រើប្រាស់ច្រើនយ៉ាងសំឡូត
-
សន្តិសុខសង្គម៦ ថ្ងៃ agoUpdate៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ
-
បច្ចេកវិទ្យា៥ ថ្ងៃ agoផ្ទុះការភ្ញាក់ផ្អើលខ្លាំងចំពោះវត្តមាន ហុងដា SCOOPY ស៊េរីថ្មី របស់ក្រុមហ៊ុនអិនស៊ីអិច ទើបតែចេញក្តៅៗ