ព័ត៌មានជាតិ

ខេត្តកំពតប្រកាសរកឃើញអ្នកវិជ្ជមានកូវីដ១៩ចំនួន៣នាក់បន្ថែមទៀត

បានផុស

៤ years មុន

នៅ

ថ្ងៃពុធ ២១ មេសា ២០២១

ដោយ

រដ្ឋបាលខេត្តកំពតបានប្រកាសរកឃើញអ្នកវិជ្ជមានកូវីដ១៩ចំនួន៣នាក់បន្ថែមទៀត និងអ្នកពាក់ព័ន្ធជិត៨០នាក់។

តាមសេចក្តីជូនដំណឹងរបស់រដ្ឋបាលខេត្តនៅថ្ងៃទី២១ ខែមេសានេះ បានឲ្យដឹងថា អ្នកវិជ្ជមានចំនួន៣នាក់នោះមានទី១.ឈ្មោះ ឈីន សន ភេទប្រុស អាយុ៤៦ឆ្នាំ មានទីលំនៅសព្វថ្ងៃនៅភូមិកោះតាចាន់ ឃុំកំពង់ត្រាច ស្រុកកំពង់ត្រាច ខេត្តកំពត មានផ្ទុកមេរោគកូវីដ១៩ ត្រូវបានដាក់សម្រាកព្យាបាលនៅមន្ទីរពេទ្យខេត្តកំពត ដោយមានអ្នកជាប់ពាក់ព័ន្ធចំនួន២៥នាក់ រួមទាំងក្រុមគ្រួសារ។ ទី២.ឈ្មោះ អន ស្រីយី ភេទស្រី អាយុ២៤ ឆ្នាំមានផ្ទៃពោះ៨ ខែមានទីលំនៅសព្វថ្ងៃនៅភូមិដើមស្លាយ ឃុំព្រៃជិះ ស្រុកកំពង់ត្រាចខេត្តកំពត បានផ្ទុកជំងឺកូវីដ១៩ ត្រូវបានបញ្ជូនទៅសម្រាកព្យាបាលនៅមន្ទីរពេទ្យខេត្តកំពត ដោយមានអ្នកពាក់ព័ន្ធចំនួន៧នាក់។ ទី៣ឈ្មោះ ភួន ភេន ភេទស្រី អាយុ៣៩ឆ្នាំមានទីលំនៅ នៅភូមិតេជោដំរី ឃុំតេជោអភិវឌ្ឍន៍ ស្រុកឈូក ខេត្តកំពត មានផ្ទុកជំងឺកូវីដ១៩ហើយត្រូវបានសម្រាកនៅមន្ទីរពេទ្យបង្អែក ប៊ុន រ៉ានី ហ៊ុន សែន កោះស្លា ដោយមានអ្នកពាក់ព័ន្ធចំនួន៤៧នាក់៕

អត្ថបទ ៖ សំអឿន