ជំនួយឯកឧត្ដម ឌី វិជ្ជា និងលោកជំទាវ បានដល់មន្ទីរពេទ្យព្យាបាលអ្នកជំងឺកូវីដ-១៩ ២កន្លែង នៅខេត្តស្វាយរៀង

ស្វាយរៀង៖ នៅថ្ងៃទី២១ ខែមេសា ឆ្នាំ២០២១ ថ្នាក់ដឹកនាំជាន់ខ្ពស់វ័យក្មេងរដ្ឋបាលខេត្តស្វាយរៀង លោក រាណ សុវណ្ណារិទ្ធិ លោក ផៃ ធន លោកស្រី ប៉ែន ពិសី លោកស្រី អ៊ុង វ៉ែនពិសី និងលោកស្រី សេង ចរិយា សមាជិកក្រុមប្រឹក្សាខេត្ត បាននាំយកនូវសម្ភារៈមួយចំនួនរួមមាន ទឹកក្រូច ២០កេស ទឹកសុទ្ធ២០កេស និងទឹកសុទ្ធ ៨០យួរ មកប្រគល់ជូនមន្ទីរពេទ្យព្យាបាលអ្នកជំងឺកូវីដ-១៩ សាមគ្គីរំដួល និងមន្ទីរពេទ្យបង្អែកស្វាយជ្រំ។

នេះជាអំណោយដ៏ថ្លៃថ្លារបស់ ឯកឧត្ដម ឌី វិជ្ជា និងលោកជំទាវ ហ៊ុន ម៉ាណា  ដើម្បីចូលរួមចំណែកជាមួយរាជរដ្ឋាភិបាល ក៏ដូចជាជួយឧបត្ថម្ភដល់មន្រ្តីជួរមុខរួមមាន គ្រូពេទ្យ អាជ្ញាធរ និងកងកម្លាំងជាដើម ដែលកំពុងមមាញឹកក្នុងការព្យាបាលអ្នកជំងឺកូវីដ-១៩ និងទប់ស្កាត់ការរីករាលដាលនៃជំងឺកូវីដ-១៩ ជាពិសេសជាចលករជួយគាំទ្រជាស្មារតី និងសម្ភារៈ ពីខាងក្រោយ ដែលយុវជនចូលរួមជួយការងារសង្គមក្នុងបរិការណ៍កូវីដ-១៩។

នាឱកាសនោះ ថ្នាក់ដឹកនាំជាន់ខ្ពស់វ័យក្មេងរដ្ឋបាលខេត្តស្វាយរៀង បានពាំនាំវនូវការផ្ដាំផ្ញើ សួរសុខទុក្ខ ពីសំណាក់ ឯកឧត្ដម ឌី វិជ្ជា និងថ្លែងអំណរគុណដល់កងទពអាវស ដែលបានលះបង់ខ្ពស់ក្នុងការប្រយុទ្ធប្រឆាំងនឹងជំងឺកូវីដ-១៩៕

អត្ថបទ៖ ភក្ដី