មន្ត្រីក្រសួងព័ត៌មាន មិនបានប៉ះពាល់ជាមួយចៅស្រីលោក ម៉ៅ អាយុទ្ធ ដែលឆ្លងកូវីដ១៩

កញ្ញា ផង់ សុភី ជាមន្ត្រីការនៅអគ្គនា​យក​ដ្ឋានរដ្ឋបាលនិងហិរញ្ញវត្ថុនៃក្រសួងព័ត៌មាន​មានតួ​នាទី​ជា​ជំនួយការរបស់ លោកម៉ៅ អាយុទ្ធ រដ្ឋលេខាធិការក្រសួងព័ត៌មាន ដែលជាជី តារបស់​ខ្លួន។

កញ្ញា ផង់ សុភី រស់នៅសង្កាត់បឹងរាំង ខណ្ឌដូនពេញ រាជធានីភ្នំពេញ រក​ឃើញវិជ្ជ​មាន​កូវីដ១៩ កាលពីថ្ងៃទី ២០ ខែមេសា។

ក្រសួងព័ត៌មាន ឱ្យដឹងដឹងថា ក្នុងពេលដែលលោកម៉ាយុទ្ធបានអវត្តមានពីក្រសួង​ព័ត៌មាន​ចាប់ពី​ខែធ្នូឆ្នាំ២០១៩ដើម្បីរៀបចំដឹកនាំរឿងភាពយន្តនោះ កញ្ញាផង់ សុភីមិនមានវត្តមាននៅក្រសួង​ព័ត៌មានឡើយហើយនៅក្នុងអំឡុងពេលយុទ្ធនាការចាក់វ៉ាក់សាំង១៩ក្នុងក្របខណ្ឌក្រសួងព័ត៌មានកញ្ញា ផង់ សុភីបានមកក្រសួងព័ត៌មានចំនួនពីរលើកគឺនៅថ្ងៃទី១និងទី៥ខែមេសាឆ្នាំ២០២១។

ប៉ុន្តែមិនបានចូលតំបន់រៀបចំចាក់វ៉ាក់សាំងទេដោយក្រុមការងារប្រាប់គាត់ថាមានបញ្ហាបច្ចេកទេស ដូច្នេះកញ្ញា ផង់ សុភី មិនមានឈ្មោះក្នុងបញ្ជីចាក់វ៉ាកសាំងនៅថ្ងៃនៅឡើយ ក្រោយមកទៀតគាត់ក៏មិនបានមកក្រសួងព័ត៌មានដែរ។

នៅថ្ងៃដែលកញ្ញាផង់សុភីមកក្រសួងព័ត៌មានជួបជាមួយក្រុមការងារគឺបានអនុវត្តវិធានការសុវត្ថិភាពតាមការណែនាំរបស់ក្រសួងសុខាភិបាលពាក់ម៉ាសបាញ់អាល់កុលនិងរក្សាកម្រិតបុគ្គលបានត្រឹមត្រូវ។

ទោះជាយ៉ាងនេះក្តីក្រសួងព័ត៌មានប្រកាសដល់មន្ត្រីរាជការក្នុងក្រសួងដែលអាចមានពាក់ព័ន្ធក្រៅផ្លូវការជាមួយសាមីខ្លួនហើយបានតាមដានសុខភាពខ្លួននិងក្នុងករណីមានអាការសង្ស័យត្រូវធ្វើតេស្តដោយមិនប្រហែសឡើយ៕

អត្ថបទ៖សំអឿន