អ្នករត់អូរប័រ និងអ្នកបើកបររថយន្តឈ្នូួលនៅកោះស្តេចកំពុងយកសំណាកពិនិត្យរកវីរុសកូវីដ១៩

ក្រុមអ្នករត់អូរប័រ និងអ្នកបើកបរថយន្តឈ្នួលដឹកជញ្ចូនគ្រឿងសមុទ្រជាច្រើននាក់ កំពុងត្រូវបានអាជ្ញាធរ ព្រមទាំងមន្រ្តីជំនាញយកសំណាកពិនិត្យធ្វើតេស្ត ដើម្បីដឹងអាចច្បាស់លាស់នៃសុខភាពពួកគេ ខណៈពួកគេចេញចូលទីក្រុងញឹកញាប់។

លោក ចេង មុនីរិទ្ធិ អភិបាលស្រុកគិរីសាគរ បានពន្យល់នៅរសៀលថ្ងៃទី២១ មេសា ២០២១នេះថា ការអនុវត្តវិធានការសុខាភិបាលចំពោះទប់ស្កាត់ជំងឺកូវីឌ១៩លើក្រុមអ្នកសង្ស័យយ៉ាងដូច្នេះ ក៏ព្រោះតែចង់ដឹងពីភាពប្រាកដប្រជាថាពួកគេអាចមានការពាក់ព័ន្ធជំងឺកូវីដដែរឬអត់។ ការយកសំណាករបស់ពលរដ្ឋអ្នករត់អូរប័រ និងរថយន្តឈ្នញដឹកទំនិញជាអាហារសមុទ្រស្រស់ធ្វើនៅចំណុចពយជប៉ុន ភូមិកោះស្តេច ឃុំកោះស្តេច។

លោកអភិបាលស្រុកគិរីសាគរបន្ថែមថា កន្លងទៅអាជ្ញាធរសមត្ថកិច្ចរបស់លោកធ្លាប់អនុវត្តវិធានការអនាម័យសុខភាពដល់ពួកគេម្តងរួចមករាល់ហើយនៅក្នុងបរិវេនក្រុមហ៊ុនញូញៀន តបនឹងអនុសាសន៍របស់សម្តេចតេជោ បង្ការការរីករាលដល់ក្នុងសហគមន៍។

ជាក់ស្តែង សម្រាប់ពេលនេះអ្នកបេីកបរអូប័រចំនួន២៣នាក់ និងអ្នកបេីកបររថយន្តឈ្នួលចំនួន៩ បានយកសំណាករួចរាល់ហើយ ខណៈចេញចូលរាជធានីភ្នំពេញញឹកញប់ប្រចាំថ្ងៃ ហើយអាជ្ញាធរតម្រូវឱ្យពួកគេធ្វើចត្តាឡីស័កដាច់ដោយឡែក ព្រមទាំងអនុវត្តការលាងដៃនឹងអាល់កុល សាប៊ូ ពាក់ម៉ាស់ រក្សាគម្លាត កុំទៅលេងកន្លែងមានមនុស្សច្រើនកុះករក្នុងមូលដ្ឋាន លុះត្រាតែទទួលបានលទ្ធផលពីក្រសួងសុខាភិបាល។

បើតាមលោក ចេង មុនីរិទ្ធិ អភិបាលស្រុកគិរីសាគរ តំបន់ក្រុមហ៊ុនញូញៀនមួយភាគតូច កំពុងបិទខ្ទប់មិនអោយចរាចរណ៍គ្មានការអនុញ្ញាត្តឡើយ គ្រាបច្ចុប្បន្នទីនោះផ្ទុះជំងឺកូវីដ១៩ខ្លាំងជាងគេ រីឯដងផ្លូវគោលដៅសំខាន់ៗក៏ត្រូវដាក់ប៉ុស្តិពិនិត្យសុខភាព និងការចរាចរណ៍របស់មនុស្សចំណូលថ្មីផងដែរ។ តម្លៃទំនិញលក់ដូរវិញ គឺប្រព្រឹត្តធម្មតាទេ ពុំការតម្លើងថ្លៃលើសលុបឡើយដោយពលរដ្ឋអាចរកទិញមកបំពេញតម្រូវការបានយ៉ាងល្អ៕

  អត្ថបទ៖ សិរីវឌ្ឍនៈ