រដ្ឋបាលខេត្ត​កំពង់ចាម​ផ្អាក​ជា​បណ្ដោះអាសន្ន​មណ្ឌល​សុខភាព​សំបូរ​ ក្រោយ​មាន​ពាក់​ព័ន្ធ​អ្នកជំងឺ​កូ​វីដ​​១៩

រដ្ឋបាលខេត្ត​កំពង់ចាម​បានសម្រេច​ផ្អាក​ជាបណ្ដោះអាសន្ន​មណ្ឌល​សុខភាព​សំបូរ ​ស្ថិតនៅភូមិ​សំបូរ​ឃុំ​សំបូរ​ ស្រុក​បាធាយ ​ខេត្តកំពង់ចាម​ ដែល​បាន​ប៉ះពាល់​ផ្ទាល់​ជាមួយ​អ្នកជំងឺ​កូ​វីដ​១៩​ម្នាក់​។​

យោងតាម​សេចក្តីសម្រេច​របស់​រដ្ឋ​បាល​ខេត្តកំពង់ចាម ស្តីពី​ការផ្អាក​ជា​បណ្ដោះអាសន្ន​មណ្ឌ​ល​សុខភាព​សំបូរ ភូមិ​សំបូរ ឃុំ​សំបូរ ស្រុក​បាធាយ​ នៅ​ថ្ងៃទី​២២ ខែ​មេសា​នេះ​បាន​ឲ្យ​ដឹងថា​ អ្នកជំងឺ​ម្នាក់​ដែលមាន​ការពាក់ព័ន្ធ​នឹងមណ្ឌល​សុខភាព​នោះ ​មានឈ្មោះ​ ខៀវ​ ជា​ឡៃ​ ជាម​ន្ត្រី​ស្ម័គ្រចិត្ត​នៅ​មណ្ឌល​សុខភាព​សំបូរ ឃុំ​សំបូរ​ ស្រុក​បាធាយ​ ខេត្តកំពង់ចាម​។​

បើតាម​ក្រសួងសុខាភិបាល​ គិត​ត្រឹម​ថ្ងៃទី​២១ ខែ​មេសា​ ឆ្នាំ​២០២១ ​ខេត្តកំពង់ចាម​មាន​អ្នក​ឆ្លងជំងឺ​កូ​វីដ​១៩​ចំនួន​១០​នាក់ កំពុងសម្រាក​ព្យាបាល​នៅ​មន្ទីរពេទ្យ​ចំនួន​១០​នាក់​៕​

អត្ថបទ ៖ សំអឿន​