បុរសម្នាក់មានទំនាស់ក្នុងគ្រួសារចាក់សាំងដុតសម្លាប់ខ្លួនក្នុងផ្ទះ

ខេត្តព្រះសីហនុ៖ បុរសម្នាក់បានធ្វើអត្តឃាតដុតសម្លាប់ខ្លួននៅក្នុងផ្ទះបណ្តាលឱ្យឆេះទាំងផ្ទះទាំងមនុស្សស្លាប់យ៉ាងអណោចអាធ័មបំផុត។

ហេតុការណ៍បង្កការភ្ញាក់ផ្អើលនេះបានកើតឡើងនៅម៉ោង២០ និង៥០នាទីយប់ ថ្ងៃទី២១ ខែមេសា ឆ្នាំ២០២១ នៅចំណុចភូមិបន្ទាយប្រិយ៍ ឃុំអណ្តូងថ្ម ស្រុកព្រៃនប់ ខេត្តព្រះសីហនុ ។

នៅកន្លែងកើតហេតុគេបានឃើញសាកសពជនរងគ្រោះដេកផ្ងារត្រូវភ្លើងឆេះខ្លោចខ្មៅរោលដូចធ្យូងដេកស្លាប់នៅលើគ្រែក្តារឈើជាប់ជញ្ជាំងឥដ្ឋ ដោយជើងមួយកំណាត់ត្រឹមជង្គង់ទាំង២ត្រូវភ្លើងឆេះនៅសល់តែឆ្អឹង។ សមត្ថកិច្ចមូលដ្ឋានបានឱ្យដឹងថា ករណីធ្វើអត្តឃាតនេះ បើតាមការសាកសួរ មូលហេតុមកពីមានទំនាស់ក្នុងគ្រួសារ។

សមត្ថកិច្ចមូលដ្ឋានដែលបានចុះទៅកន្លែងកើតហេតុទាំងយប់បានឱ្យដឹងថា សពជនរងគ្រោះមាន ឈ្មោះ ចាន់ ប៊ិន ​(ហៅ ម៉ាត់លី) ភេទប្រុស អាយុ៤២ឆ្នាំ ជនជាតិខ្មែរអ៊ិស្លាម មានទីលំ​នៅកន្លែងកើតហេតុ។ គាត់បានដុតសម្លាប់ខ្លួនឯងនៅក្នុងផ្ទះ បណ្ដាលឲ្យឆេះស្លាប់នៅហ្នឹងកន្លែង។

បច្ចុប្បន្ន​សាកសពត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕

អត្ថបទ៖ ស៊ុយ ចាន់ធា