ព័ត៌មានជាតិ

លោកតាស៊ីក្លូជាង១០០នាក់ ទទួលបានអំណោយពីសប្បុរសជនអំឡុងវិបត្តិកូវីដ-១៩

បានផុស

៤ years មុន

នៅ

ថ្ងៃព្រហស្បតិ៍ ២២ មេសា ២០២១

ដោយ

ក្នុងស្ថានភាពនៃការបិទខ្ទប់ភូមិសាស្ដ្ររាជធានីភ្នំពេញនិងក្រុងតាខ្មៅនៃខេត្តកណ្ដាល ដើម្បីទប់ស្កាត់ជំងឺកូវីដ-១៩នេះដែរ លោកតាៗធាក់ស៊ីក្លូប្រមាណជាង១០០នាក់ទទួលបានអំណោយពីសប្បុរសជនសម្រាប់ជួយសម្រួលដល់ជីវភាពខ្វះខាតប្រចាំថ្ងៃរបស់ពួកគាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចែកអំណោយនេះ ធ្វើឡើងស្របពេលដែលប្រទេសកម្ពុជាបច្ចុប្បន្នកំពុងជួបញ្ហាដោយសារជំងឺដ៏កាចសាហាវកូវីដ-១៩ រហូតឈានដល់ការសម្រេចបិទខ្ទប់រាជធានីភ្នំពេញនិងក្រុងតាខ្មៅនោះដើម្បីទប់ស្កាត់ការរីករាលដាលនៃជំងឺនេះ។

បើតាមការបញ្ជាក់នៅលើគណនីហ្វេសប៊ុក Iv Sa mnang បានឲ្យដឹងថា លោកតាៗធាក់ស៊ីក្លូចំនួន ១០៦នាក់បានទទួលអំណោយជាថវិកាក្នុងម្នាក់ចំនួន១៥០ដុល្លារ ដើម្បីដោះស្រាយជីវភាពប្រចាំថ្ងៃអំឡុងពេលជំងឺកូវីដកំពុងរាតត្បាតឈាន់ដល់ការបិទខ្ទប់ភ្នំពេញនិងក្រុងតាខ្មៅ។ ថវិកាដែលចែកជូនលោកតាធាក់ស៊ីក្លូនៅពេលនេះ សុទ្ធតែជាថវិការបស់បងប្អូនសប្បុរសទាំងអស់។

ប្រភពបន្ថែមថាឆ្លៀតក្នុងឱកាសនេះសូមថ្លែងអំណរគុណយ៉ាងជ្រាលជ្រៅដល់សប្បុរសជនទាំងអស់ ដែលបានចូលរួមជួយសម្រួលជីវភាពក្រុមលោកតាស៊ីក្លូនិងសូមអរគុណដល់បងប្អូនផ្សេងៗជាច្រើនក្រុមទៀតដែលកំពុងតែសស្រាក់សស្រាំជួយដល់ក្រុមលោកតាស៊ីក្លូក្នុងស្ថានភាពបិទខ្ទប់ដោយសារជំងឺកូវីដ-១៩នេះ៕

អត្ថបទ ៖ ចាន់រ៉ា