ព័ត៌មានជាតិ
បុរស២នាក់ ហ៊ានយកបាឡាស្មាច់ លួចដឹកបងប្អូន៣នាក់ ចេញពីខណ្ឌព្រែកព្នៅ មកខេត្តកំពង់ឆ្នាំង
បុរស២នាក់ ត្រូវសមត្ថកិច្ចឃាត់ខ្លួនបញ្ជូនមកធ្វើចត្តាឡីស័ក នៅមណ្ឌលចត្តាឡីស័កក្រុងកំពង់ឆ្នាំង កាលពីព្រឹកថ្ងៃទី២១ ខែមេសា ឆ្នាំ២០២១ ពាក់ព័ន្ធករណីលួចដឹកជញ្ជូនបងប្អូន៣ នាក់ដោយខុសច្បាប់ចេញពីក្រុងភ្នំពេញទៅកាន់ខេត្តកំពង់ឆ្នាំង បំពានបម្រាមរបស់រាជរដ្ឋាភិបាល។
លោក នន ស៊ីណាត អធិការនគរបាលស្រុកកំពង់ត្រឡាច បានឲ្យដឹងនៅព្រឹកថ្ងៃទី២២ ខែមេសា នេះថា បុរសទាំង២នាក់ ដែលបានល្មើសនឹងបម្រាមរបស់រាជរដ្ឋាភិបាលខាងលើនេះ ១. ឈ្មោះ យ៉ង់ ហឿន ភេទប្រុស អាយុ២៦ឆ្នាំ មានទីលំនៅក្នុងភូមិកំពង់ក្តារ ឃុំកំពង់ត្រឡាច ស្រុកកំពង់ត្រឡាច ខេត្តកំពង់ឆ្នាំង និង២. ឈ្មោះ យ៉ង់ ចាន់ទុំ អាយុ១៩ឆ្នាំ មានទីលំនៅក្នុងភូមិឃុំជាមួយគ្នា ត្រូវជាបងប្អូនជីដូនមួយនឹងគ្នា ពួកគេទាំងពីរនាក់បានបើកកាណូតបាឡាស្មាច់មួយគ្រឿង ទៅដឹកយកបងប្អូនថ្លៃស្រីរបស់ខ្លួនចំនួន៣នាក់ នៅចំណុចស្ពានព្រែកព្នៅ រាជធានីភ្នំពេញ កាលពីម៉ោង៦និង៣០នាទីព្រឹកកាលពីថ្ងៃទី២០ ខែមេសា មកកាន់ភូមិតាមល់ក្រោម ឃុំកោះថ្កូវ ស្រុកជលគីរី ខេត្តកំពង់ឆ្នាំង។ បន្ទាប់ពីបានដាក់មនុស្សប្រុសស្រីទាំង៣នាក់ នៅក្នុងភូមិខាងលើនេះរួចហើយ ពួកគេទាំងពីរនាក់ក៏បានបើកបាឡាស្មាច់១ គ្រឿងនោះ ត្រឡប់មកលំនៅឋានរបស់គេវិញនៅថ្ងៃដដែលនោះ។
លោកអធិការបានបញ្ជាក់ទៀតថា បន្ទាប់ពីទទួលបានព័ត៌មាននេះ នៅវេលាម៉ោង៧និង៣០នាទីព្រឹកថ្ងៃទី២១ ខែមេសា ពីអាជ្ញាធរភូមិឃុំមកលោកអភិបាលស្រុក បានចាត់ក្រុមការងាររួមមាន កម្លាំងនគរបាលមន្ត្រីសុខាភិបាល ចាត់បញ្ជូនឈ្មោះ យ៉ង់ ចាន់ទុំ និងឈ្មោះ យ៉ង់ ហឿន មកកាន់មណ្ឌលចត្តាឡីស័កស្រុកកំពង់ត្រឡាច។ តែដោយមានបញ្ជាពីថ្នាក់លើ នៅវេលាម៉ោង៩:០០នាទីថ្ងៃខែដដែល ក៏បានបញ្ជូនបុរសទាំងពីរនាក់ខាងលើនេះទៅធ្វើចត្តាឡីស័ក នៅក្នុងក្រុងកំពង់ឆ្នាំងវិញ។
លោក ហ៊ឹម យ៉ុង អធិការនគរបាលស្រុកជលគិរី បានឲ្យដឹងដែរថា មនុស្សប្រុសស្រី៣នាក់ ដែលមកពីភ្នំពេញធ្វើដំណើរតាមបាឡាស្មាច់កាលពីថ្ងៃទី២០ ខែមេសា ឆ្នាំ២០២១ ពួកគេទាំង៣នាក់មានទីលំនៅក្នុងភូមិតាមល់ក្រោម ឃុំកោះថ្កូវ ស្រុកជល់គិរី ខេត្តកំពង់ឆ្នាំង ត្រូវបាននាំយកមកធ្វើចត្តាឡីស័ក នៅមណ្ឌលចត្តាឡីស័កក្នុងស្រុកជល់គិរី រួមនឹងក្រុមគ្រួសារពាក់ព័ន្ធនៅផ្ទះ៤នាក់ទៀត សរុបទាំងអស់៧នាក់ ត្រូវបានបញ្ជូនមកធ្វើចត្តាឡីស័កទាំងអស់ផងដែរ។
នៅក្នុងករណីខាងលើនេះ លោកឧត្តមសេនីយ៍ទោ ខូវ លី ស្នងការនគរបាលខេត្តកំពង់ឆ្នាំង បានបញ្ជាក់ឲ្យដឹងនៅព្រឹកថ្ងៃទី២២នេះថា ករណីនេះមិនអាចលើកលែងបានទេ ក្រោយពីបញ្ចប់ការធ្វើចត្តាឡីស័ក១៤ថ្ងៃ លោកនឹងឲ្យមន្ត្រីជំនាញកសាងសំណុំរឿងបញ្ជូនទៅតំណាងអយ្យការតុលាការខេត្តចាត់ការទៅតាមច្បាប់៕
អត្ថបទ៖ ឈៀងថារិទ្ធ
សូមចុចអាន៖ នៅរាជធានីភ្នំពេញ មកដល់ពេលនេះ មានផ្សារណាខ្លះបានបិទ?
ភាគខាងជើង ថៃ ក៏កើតភ្លើងឆេះព្រៃខ្លាំង ឯនៅ បាងកក ក៏កំពុងរងទុក្ខដោយរញ្ជួយដី
រយៈពេល ១សប្តាហ៍ មានអ្នកអានសៀវភៅលើសួននៅក្រុងស្ទឹងត្រែង ១០០០នាក់
ប្រទេសអាស៊ីអាគ្នេយ៍មួយទៀត ជួបគ្រោះរញ្ជួយដី
រញ្ជួយដីនៅមីយ៉ាន់ម៉ា៖ មនុស្សស្លាប់កើនដល់ ១ ៦៤៤នាក់ និងរបួសជាង ៣ ៤០០នាក់
រកឃើញសញ្ញាមនុស្សមានជីវិត១៥នាក់ កប់ក្រោមអគារបាក់ ដោយរញ្ជួយដីនៅ បាងកក
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ភាគខាងជើង ថៃ ក៏កើតភ្លើងឆេះព្រៃខ្លាំង ឯនៅ បាងកក ក៏កំពុងរងទុក្ខដោយរញ្ជួយដី
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
-
ព័ត៌មានអន្ដរជាតិ២ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ