ព័ត៌មានជាតិ

អ្នកភូមិ៤៨នាក់ដែលចូលរួមបុណ្យសពអ្នកកើតកូវីដ១៩ លទ្ធផលតេស្តលើកទី១ អវិជ្ជមាន

បានផុស

៤ years មុន

នៅ

ថ្ងៃព្រហស្បតិ៍ ២២ មេសា ២០២១

ដោយ

លោកវេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាលខេត្តកំពង់ឆ្នាំង នៅព្រឹកថ្ងៃទី២២ ខែមេសា ឆ្នាំ២០២១នេះ បានបញ្ជាក់ថា អ្នកភូមិព្រះរាមរង្សី ចំនួន៤៨នាក់ដែលចូលរួមក្នុងពិធីបុណ្យសពស្លាប់ដោយជំងឺកូវីដ១៩ នោះ លទ្ធផលតេស្តលើកទី១ គឺអវិជ្ជមានទាំងអស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួររំលឹកថា កាលពីយប់ថ្ងៃទី១៨ ខែមេសា ឆ្នាំ២០២១ មានបុរសម្នាក់ឈ្មោះ នូ ចុល អាយុ៥៧ រស់នៅភូមិព្រះរាមរង្សី ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង បានស្លាប់ដោយសារជំងឺកូវីដ១៩ និងមានប្រជាពលរដ្ឋជិតខាងចូលរួមបុណ្យសពជាច្រើននាក់ ព្រោះមិនបានដឹងថាសពជនរងគ្រោះស្លាប់ដោយជំងឺកូវីដ១៩ឡើយ លុះពេលក្រុមគ្រូពេទ្យចុះមកយកសំណាកសពទើបដឹងថា ស្លាប់ដោយជំងឺកូវីដ១៩ ទើបក្រុមគ្រូពេទ្យ និងអាជ្ញាធរប្រមូលអ្នកពាក់ព័ន្ធទាំងអស់ឲ្យធ្វើចត្តាឡីស័ក និងយកសំណាកតាមក្រោយ។

សូមបញ្ជាក់ថា នេះជាករណីលើកដំបូងហើយ ដែលមានអ្នកស្លាប់ដោយសារជំងឺកូវីដ-១៩ នៅក្នុងខេត្តកំពង់ឆ្នាំង៕