ព័ត៌មានជាតិ
ស្នែងគោ ក្របី ត្រូវបានកែច្នៃជាគ្រឿង លម្អ ទទួលប្រាក់ចំណូលសមរម្យ
សិប្បកម្មក្នុងស្រុកមួយមានឈ្មោះថា សុមនា បានចាប់យកមុខរបរកែច្នៃស្នែងគោ ក្របី មកធ្វើជាគ្រឿងអលង្ការ ខ្សែក្រវាត់ វ៉ែនតា និងវត្ថុអនុស្សាវរីយ៍ ជាដើម ដែលទាក់ទាញដល់អ្នកប្រើប្រាស់១៦ឆ្នាំមកហើយ។
តាមការរៀបរាប់របស់ម្ចាស់សិប្បកម្មកែច្នៃ សុមនា ឈ្មោះ ចិន្តា បានឲ្យដឹងថា សិប្បកម្មកែច្នៃនេះ កើតឡើងរយៈ១៦ឆ្នាំមកហើយ ដែលពីមុនមកបិះក្ស័យធនទៅហើយ ដោយសារគ្មានអ្នកគាំទ្រ ទើបតែរយៈចុងក្រោយនេះឃើញថា មានអតិថិជនគាំទ្រឡើងវិញ ក្រោយពីសិប្បកម្មនេះ បានផ្លាស់ទីតាំងពីខេត្តព្រៃវែង មកនៅជើងឯក ខណ្ឌដង្កោ រាជធានីភ្នំពេញ។
ម្ចាស់សិប្បកម្មកែច្នៃ រូបនេះ បន្តថា សិប្បកម្មរបស់នាងធ្វើការកែច្នៃស្នែងគោ និងស្នែងក្របី ដែលទិញពីកន្លែង សត្តឃាត ដោយម៉ៅ ឬស្នែងណា ដែលល្អវែង ទិញគិតជាគូ ដោយក្នុង១គូ ៥ពាន់រៀល ទៅ១ម៉ឺនរៀល ចំពោះស្នែង ដែលអន់ទិញគិតជាការុង។

ស្នែងគោ ជាប្រភេទស្នែង ដែលមានអាយុកាលវែង អាចកែច្នៃទៅជាក្រាស់សិតសក់ គ្រឿងអង្កាំ គ្រឿងអលង្ការ ខ្សែក្រវាត់ វ៉ែនតា ហើយក្នុងចំណោមវត្ថុទាំងនេះ ខ្សែក្រវាត់ជាទីពេញនិយមច្រើន នៃអ្នកប្រើប្រាស់ អាចលក់បានថ្លៃជាងគេ ក្នុង១ខ្សែ ថ្លៃ៧៥ដុល្លារ ដោយកែច្នៃពីស្នែងគោសុទ្ធសាធ បន្ទាប់មកទៀតវ៉ែនតា ថ្លៃ៣៨ដុល្លារ ដោយពុំសូវមានអ្នកទិញច្រើនទេ ហើយចំពោះគ្រឿងអលង្ការខ្សែដៃ ខ្សែក ដែលកែច្នៃពីស្នែងគោវិញ លក់បានចាប់ពី៣ដុល្លារ ឡើងទៅ។
ដោយឡែកក្នុងខ្សែក្រវាត់មួយ អាចធ្វើការកែច្នៃក្នុងរយៈពេល១អាទិត្យប៉ុណ្ណោះ។ម្ចាស់សិប្បកម្មដដែលនេះបានបញ្ជាក់ទៀតថា ចំពោះគុណប្រយោជន៍ផលិតផលពីស្នែងនេះ អាចជួយបរិស្ថានធម្មជាតិ និងការដាក់តាំង ព្រមទាំងពាក់លម្អ ផងដែរ៕
កញ្ញា វ៉ាត

-
ព័ត៌មានអន្ដរជាតិ៣ ថ្ងៃ ago
ពលរដ្ឋថៃ រាប់ពាន់នាក់រត់ភៀសខ្លួន បន្ទាប់ពីយន្តហោះមីយ៉ាន់ម៉ា ទម្លាក់គ្រាប់បែកនៅព្រំដែន
-
ព័ត៌មានអន្ដរជាតិ១៦ ម៉ោង ago
ផែថងថាន លើកយកជម្លោះព្រំដែនកម្ពុជា-ថៃនិងឧក្រិដ្ឋកម្មអនឡាញ ពិភាក្សាជាមួយ ម៉ាក្រុង
-
សន្តិសុខសង្គម១ ថ្ងៃ ago
អាជ្ញាធរខេត្តព្រះវិហារ ដុតកម្ទេចចោលដូងក្រអូប១៥០០គីឡូក្រាម ដែលលួចនាំចេញពីថៃ ឆ្លងកាត់ប្រទេសឡាវចូលមកកម្ពុជាដោយខុសច្បាប់
-
ព័ត៌មានអន្ដរជាតិ៦ ថ្ងៃ ago
រុស្ស៊ី អះអាងថា ប្រទេសមួយចំនួន ត្រៀមបញ្ជូនក្បាលគ្រាប់នុយក្លេអ៊ែរ ឲ្យអ៊ីរ៉ង់ ដោយផ្ទាល់
-
ព័ត៌មានជាតិ៥ ថ្ងៃ ago
កម្ពុជា ទទួលរងឥទ្ធិពលពីព្យុះមួយទៀត គឺព្យុះទី២ ឈ្មោះ សេពផេត
-
ព័ត៌មានជាតិ៥ ថ្ងៃ ago
ជប៉ុន ប្រកាសពង្រឹងទំនាក់ទំនងកងទ័ពជាមួយកម្ពុជាឱ្យកាន់តែរឹងមាំ
-
នយោបាយ៥ ថ្ងៃ ago
ក្រោយបិទនាំចូលឥន្ធនៈនាយករដ្ឋមន្ត្រីថានៅអាចឆ្លើយតបថែមទៀតបើថៃចង់លេង
-
ព័ត៌មានអន្ដរជាតិ៦ ថ្ងៃ ago
PTT៖ ការផ្អាកនាំចូលប្រេងថៃរបស់កម្ពុជា មិនប៉ះពាល់ធ្ងន់ធ្ងរដល់ចំណូលក្រុមហ៊ុនទេ