ព័ត៌មានជាតិ
គម្រោងទស្សនកិច្ចសិក្សា តំបន់ការពារធម្មជាតិ ត្រូវលើកពេល
គម្រោងទស្សនកិច្ចសិក្សា នៅខេត្តព្រះវិហារ ដើម្បីលើកកម្ពស់សហគមន៍ អេកូទេសចរណ៍ ក្នុងតំបន់ការពារធម្មជាតិ ត្រូវបានលើកពេល ដោយសារតែស្ថានភាពកូវីដ-១៩ តែអាចធ្វើឡើងនៅចុងខែវិច្ឆិកាខាងមុខ ។ នេះបើតាមការបញ្ជាក់ពីលោក នេត្រ ភក្រ្តា រដ្ឋលេខាធិការ និងជាអ្នកនាំពាក្យ ក្រសួងបរិស្ថាន កាលពីល្ងាច ថ្ងៃទី១០ ខែវិច្ឆិកា។
លោក នេត្រ ភក្រ្តា បញ្ជាក់ថា “ដោយសារតែស្ថានភាពកូវីដ១៩ បានកើនឡើង ហើយវិធានការរបស់ក្រសួងសុខាភិបាល ក៏បានដាក់ចុះដែរ។ ដូច្នេះស្ថានភាពនេះ មិនទាន់អំណោយផលដល់ពួកយើង ក្នុងការធ្វើដំណើរជាក្រុមធំនោះទេ។ ដូច្នេះដំណើរទស្សនកិច្ចរបស់យើងដែលត្រៀមធ្វើឡើងចាប់ពីថ្ងៃទី២០ ដល់ថ្ងៃទី២២ ខែវិច្ឆិកា យើងនឹងពន្យារបន្តិចសិន រង់ចាំស្ថានភាពថ្ងៃទី១៨នេះចប់សព្វគ្រប់ យើងដឹងថា ស្ថានភាពទៅខាងមុខមានការវិវត្តទៅជាយ៉ាងណា ហើយប្រសិនបើស្ថានភាពល្អទេ យើងហ្នឹងរៀបចំកម្មវិធីជាថ្មី គឺនៅចុងខែវិច្ឆិកា គឺថ្ងៃទី២៧ ដល់ថ្ងៃទី២៩ ខែវិច្ឆិកា”។
ទោះជាយ៉ាងណាលោក នេត្រ ភក្រ្តា បានអះអាងថា នឹងកំណត់ពេលវេលាជាថ្មី ហើយនឹងជូនដំណឹងជាថ្មីនៅថ្ងៃទី១៨ ខែវិច្ឆិកា ខាងមុខនេះ ។
សូមបញ្ជាក់ថា ក្រសួងបរិស្ថាន មានគម្រោងធ្វើទស្សនកិច្ចសិក្សា ទៅកាន់ខេត្តព្រះវិហារ នៅថ្ងៃទី២០ ដល់ថ្ងៃទី២២ ខែវិច្ឆិកា ឆ្នាំ២០២០ ដើម្បីលើកកម្ពស់សហគមន៍ អេកូទេសចរណ៍ និងនិរន្តភាព ជីវភាពក្នុងតំបន់ការពារធម្មជាតិ ខេត្តព្រះវិហារ។
គម្រោងទស្សនកិច្ច នឹងផ្តោតលើប្រធានបទ៖
ទី១, ការប្រមូលផលស្រូវត្រយង និងការទិញស្រូវពីពលរដ្ឋ។
ទី២, ការអភិរក្សសត្វទាព្រៃស្លាបស ដែលជាសត្វស្លាបដ៏កម្រនៅលើពិភពលោក។
ទី៣, តំបន់បេតិកភណ្ឌវប្បធម៌ធម្មជាតិភ្នំត្បែងត្រូវបានរៀបចំដាក់ស្នើជាបញ្ជីត្រៀមបម្រុងនៃបញ្ជីបេតិកភណ្ឌពិភពលោក។
ទី៤, សហគមន៍តំបន់ការពារធម្មជាតិតាំងយូនិងកិច្ចការពារអភិរក្សធនធានធម្មជាតិ។
ទី៥, ទស្សនកិច្ចតំបន់ការពារនៃដែនជម្រក សត្វព្រៃភ្នំពកភ្នំត្នោត និងភាពសម្បូណ៌បែបនៃជីវៈចម្រុះ។
ទី៦, កិច្ចសហការរវាងក្រសួងបរិស្ថាននិងប៊ីទ្រី៖ លោកបេនជនជាតិអាមេរិកចូលរួមការពារព្រៃឈើខ្មែរ។
ទី៧, ទេសចរណ៍ធម្មជាតិ ជិះខ្សែរ៉ត៕
អត្ថបទ ៖ កោះកែវ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង