សេដ្ឋកិច្ច

ទោះបីមានកូវីដ១៩ តែការនាំចេញពីកម្ពុជា ទៅទីផ្សារពិភពលោក នៅតែកើនឡើង

បានផុស

៤ years មុន

នៅ

ថ្ងៃពុធ ១១ វិច្ឆិកា ២០២០

ដោយ

ទោះបីជាពិភពលោក មានវិបត្តិជំងឺកូវីដ១៩ យ៉ាងណាក៏ដោយ ក៏ការនាំចេញទំនិញពីកម្ពុជាទៅកាន់ទីផ្សារពិភពលោកបានកើនឡើង១៨ភាគរយ នៅក្នុងរយៈពេល៨ខែ ឆ្នាំ២០២០នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍និន្នាការសេដ្ឋកិច្ច និងសង្គម របស់ក្រសួងសេដ្ឋកិច្ច និងហិរញ្ញវត្ថុ បានបង្ហាញថា ក្នុងរយៈពេល៨ខែ ឆ្នាំ២០២០នេះ ទំហំទឹកប្រាក់នៃការនាំចេញទំនិញរបស់កម្ពុជា នៅតែរក្សាបានកំណើនវិជ្ជមាន ទោះបីជាសេដ្ឋកិច្ចសកល រំពឹងថានឹងមានកំណើនអវិជ្ជមាន និងបណ្តាប្រទេសដៃគូពាណិជ្ជកម្ម កំពុងជួបប្រទះបញ្ហានៃការរីករាលនៃជំងឺកូវីដ១៩ក្តី ក៏ការនាំចេញទំនិញសម្រេចបានទំហំទឹកប្រាក់ ១១ ៧១៤ លានដុល្លារអាមេរិក ខណៈការនាំចូលធ្លាក់ចុះជាង១១ភាគរយ។

តាមរបាយការណ៍ការនាំចេញទំនិញ ក្នុងរយៈពេល៨ខែឆ្នាំនេះ កើនឡើងចំនួន១៨ភាគរយ ទាបជាងកំណើនឆ្នាំមុនបន្តិច ដែលមានចំនួន១៨.៤ភាគរយ។ របាយការណ៍ដដែល បានឲ្យដឹងទៀតថា ទំនិញនាំចេញ ដែលមានកំណើនខ្ពស់ មានដូចជា អង្ករ បានកើតឡើងជាង២៣ភាគរយ កង់កើនឡើង ១៧ភាគរយ គ្រឿងអគ្គិសនី កើន ២២.៣ភាគរយ ព្រមទាំងផលិតផលកសិកម្មផ្សេងទៀត និងមាសកើនឡើងយ៉ាងគំហុករហូតដល់ ៧១៦.៨ភាគរយ ដែលគិតត្រឹមខែសីហា ឆ្នាំ២០២០នេះ ការនាំចេញមាស មានទឹកប្រាក់សរុបចំនួន ២២២០លានដុល្លារ។ ចំណែកការនាំចូលទំនិញ ក្នុងរយៈពេល៨ខែឆ្នាំនេះវិញ មានទំហំទឹកប្រាក់សរុបចំនួន ១១ ៨៥៣លានដុល្លារ បានធ្លាក់ចុះ ១១.៦ភាគរយ៕

អត្ថបទ៖ សំអឿន

សូមចុចអាន៖ រដ្ឋមន្រ្តីមួយរូប ប្រកាសលើកពេលរៀបមង្គលការកូន

Related Topics:វិស័យសេដ្ឋកិច្ច