ព័ត៌មានជាតិ

ពិតជាអាសូរទារកទើបអាយុ១ខែត្រូវដឹកជាមួយម្តាយទៅមន្ទីរពេទ្យ ខណៈម្តាយមានវិជ្ជមានកូវីដ១៩

បានផុស

៤ years មុន

នៅ

ថ្ងៃសុក្រ ២៣ មេសា ២០២១

ដោយ

ភ្នំពេញ ៖ ពិតជាគួរឲ្យអាសូរដល់ទារកដែលទើបនឹងកើតបាន១ខែត្រូវរថយន្តសង្គ្រោះដឹកយកទៅមន្ទីរពេទ្យជាមួយម្តាយ ខណៈដែលម្តាយមានវីជ្ជមានកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពពីលោកយ៉ិន វុធ ចៅសង្កាត់ច្បារអំពៅទី២បានឲ្យដឹងថា នៅវេលាម៉ោង២០និង១០នាទីយប់ថ្ងៃទី២៣ខែមេសានេះ រថយន្តសង្គ្រោះរបស់មន្ទីរពេទ្យបង្អែកខណ្ឌច្បារអំពៅ បានទៅដឹកស្ត្រីម្នាក់ ដែលមានវីជ្ជមានកូវីដ១៩ ឈ្មោះ ឈន ពៅ អាយុ៣០ឆ្នាំ មុខរបរគ្រូបង្រៀនសាលាសុវណ្ណភូមិនិងមានទីលំនៅផ្ទះលេខ១០០ស្ទួនផ្លូវ៦៦៧ភូមិកណ្តាល សង្កាត់ច្បារអំពៅទី២ ខណ្ឌច្បារអំពៅរាជធានីភ្នំពេញ។

លោកចៅសង្កាត់បន្តថា អ្វីដែលគួរឲ្យអាណិតនោះ គឺទារកដែលមានអាយុទើបតែ១ខែត្រូវម្តាយយកទៅជាមួយព្រោះពុំអាចទុកនៅផ្ទះបាន។ ចំពោះសមាជិក៥នាក់ដែលសុទ្ធសឹងជាស្ត្រីត្រូវគ្រូពេទ្យឲ្យធ្វើចត្តាឡីស័កចំនួន១៤ថ្ងៃ និងបន្តយកសំណាកខ្លាចក្រែងឆ្លងពីស្ត្រីជាគ្រូបង្រៀន។