ព័ត៌មានជាតិ
រកឃើញកម្មករធ្វើការនៅរោងចក្រស្តាម៉ាស្ទ័រ & ហ្វ្រែងជាង៥០នាក់ឆ្លងវិជ្ជមានកូវីដ១៩
លោក វេជ្ជបណ្ឌិត គួយ ប៊ុនធឿន ប្រធានមន្ទីរសុខាភិបាលខេត្តកណ្តាលបានឲ្យដឹងនៅព្រឹកនេះថាក្រុមគ្រូពេទ្យបានធ្វើតេស្តរកកូវីដ១៩ទាំងយប់ដោយប្រើប្រាស់ឧបករណ៍តេស្តសំណាក Rapid Testទៅលើកម្មករធ្វើការនៅរោងចក្រស្តាម៉ាស្ទ័រ & ហ្វ្រែង (ខេមបូឌា) មានទីតាំងស្ថិតនៅឃុំពើក ស្រុកអង្គស្នួលបានចំនួន៣២៣នាក់ ក្នុងនោះរកឃើញមានវិជ្ជមានកូវីដ១៩ចំនួន៥១នាក់។
លោកបានបន្តថា ក្រុមការងារបានបញ្ជូនសំណាកទាំងនោះទៅធ្វើវិភាគបញ្ជាក់បន្ថែមនៅវិទ្យាស្ថានជាតិសុខភាពសាធារណៈដើម្បីឲ្យប្រាកដប្រជាថាពួកគេមានវិជ្ជមានកូវីដ១៩។
លោកបានបន្តទៀតថា នៅព្រឹកនេះក្រុមគ្រូពេទ្យបន្តយកសំណាកទៅលើកម្មករនៅរោងចក្រស្តាម៉ាស្ទ័រ & ហ្វ្រែង(ខេមបូឌា)ដែលនៅសល់ប្រមាណ៧០០នាក់ទៀតដែលនឹងដឹងលទ្ធផលជាបន្តបន្ទាប់ទៀតដោយប្រើប្រាស់ឧបករណ៍តេស្តសំណាក Rapid Test។
លោក វេជ្ជបណ្ឌិត គួយ ប៊ុនធឿន បានបន្ថែមថា បន្ទាប់ពីធ្វើសំណាកទៅលើកម្មករនៅរោងចក្រស្តាម៉ាស្ទ័រ &ហ្វ្រែង(ខេមបូឌា)ចប់សព្វគ្រប់ហើយ ក្រុមគ្រូពេទ្យនឹងបន្តទៅយកសំណាកកម្មករធ្វើការនៅរោងចក្រមួយទៀតឈ្មោះSix Plus ស្ថិតនៅ ឃុំព្រែកអញ្ចាញ ស្រុកមុខកំពូល ខេត្តកណ្តាលដោយសារមានកម្មករម្នាក់មានឆ្លងជំងឺកូវីដ១៩។
គួរបញ្ជាក់ថា រោងចក្រស្តាម៉ាស្ទ័រ & ហ្វ្រែង(ខេមបូឌា)មានកម្មករនិយោជិតចំនួន២២៥ នាក់ទៀតមានជាប់ពាក់ព័ន្ធដោយផ្ទាល់ព្រមទាំងកម្មករនិយោជិតចំនួន៧១៨នាក់ ពាក់ព័ន្ធដោយប្រយោលលើចំនួនកម្មករនិយោជិតសរុបចំនួន៩៦៣នាក់។ រីឯរោងចក្រ Six Plusវិញមានវិជ្ជមាន០១ករណី និងកម្មករ និយោជិតប្រមាណ៧០នាក់ផ្សេងទៀតជាប់ពាក់ព័ន្ធដោយផ្ទាល់។
លោក គង់ សោភ័ណ្ឌ អភិបាលខេត្តកណ្តាលបញ្ជាឲ្យរោងចក្រទាំងពីរខាងលើផ្អាកដំណើរការសង្វាក់ផលិតកម្មជាបណ្តោះអាសន្ន ហើយបងប្អូនកម្មករនិយោជិតទាំងអស់ ត្រូវតាមដានសុខភាពនិងផ្តល់ព័ត៌មានអំពីស្ថានភាពសុខភាពរបស់ខ្លួន ទៅរដ្ឋបាលរោងចក្រ និងអាជ្ញាធរមូលដ្ឋានឱ្យបានជាប់ជាប្រចាំ ក្នុងអំឡុងពេលនៃការផ្អាកការងារនេះរដ្ឋបាលស្រុក និងម្ចាស់រោងចក្រ ត្រូវសហការបាញ់ថ្នាំសម្លាប់មេរោគ នៅតាមអគារផលិតកម្មនានា និងតាមបរិវេណក្រៅរោងចក្រ។
ឆ្លៀតក្នុងឱកាសនោះដែរ លោកអភិបាល បានជំរុញដល់ទាំងអាជ្ញាធរពាក់ព័ន្ធគ្រប់លំដាប់ថ្នាក់ ត្រូវផ្សព្វផ្សាយ និងណែនាំប្រជាពលរដ្ឋ កម្មករ កម្មការិនីនិយោជិត ត្រូវបន្តចូលរួមសហការ គោរពអនុវត្ត និងផ្សព្វផ្សាយបន្តអំពីគោលការណ៍អនាម័យរបស់ក្រសួងសុខាភិបាល ជាពិសេសវិធានការការពាររបស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា គឺ ៣.ការពារ និង៣.កុំទើបពួកយើងអាចកាត់ផ្តាច់សង្វាក់នៃការឆ្លងរាលដាល និងឈានទៅបញ្ចប់ព្រឹត្តិការណ៍២០កុម្ភៈ នេះកាន់តែឆាប់ដើម្បីឱ្យស្ថានភាពប្រទេសរបស់យើងវិលទៅរកប្រក្រតីភាពឡើងវិញ៕
អត្ថបទ ៖ សំអឿន
លោក ប៉ែន បូណា៖ សមិទ្ធផលរបស់រដ្ឋាភិបាលដូចទៅនឹងពន្លឺព្រះអាទិត្យបំភ្លឺដែនដីគ្មានអ្នកណាអាចយកបាតដៃទៅបិទបាំងបានឡើយ
ផ្អាកបណ្ដាញសង្គម អតីតស្វាមី និងម្តាយក្មេក តួ សាន់ឆាយ ក្រោយបំពាននិងរកលុយពីអ្នកស្លាប់
រដ្ឋបាលស្រុកភ្នំក្រវាញ ចាប់ផ្តើមផាកពិន័យ ២ម៉ឺនរៀល ដល់៤សែនរៀល ចំពោះអ្នកចោលសំរាមផ្តេសផ្តាស
ទូតរុស្ស៊ីជំរុញការធ្វើទំនាក់ទំនងផ្ទាល់ជាមួយកម្ពុជាឡើងវិញ
លោកបណ្ឌិត ហ៊ឺ វីរៈ ៖ “ខ្មែរមិនដែលមានវប្បធម៌ជេរគ្នាទេ”
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
អគ្គិភ័យឆេះកន្លែងផ្ញើម៉ូតូ ឡាន ខូចខាតម៉ូតូ និងរថយន្ត៨គ្រឿង
G-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ
អង្គរក្សស្រីតាមស្អិតនាយករដ្ឋមន្ត្រី ថៃ ទៅ ចិនធ្លាប់បំបាក់ម្ចាស់ជើងឯកការ៉ាតេជប៉ុន ៥ រូប
-
សន្តិសុខសង្គម៧ ម៉ោង ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៣ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ២ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម៥ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៥ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ចរាចរណ៍៩ ម៉ោង agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
-
សន្តិសុខសង្គម៩ ម៉ោង agoអគ្គិភ័យឆេះកន្លែងផ្ញើម៉ូតូ ឡាន ខូចខាតម៉ូតូ និងរថយន្ត៨គ្រឿង
-
ជីវិតកម្សាន្ដ៨ ម៉ោង agoG-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ