ព័ត៌មានជាតិ

ចាប់ប្រពន្ធធ្វើជាចំណាប់ខ្មាំង ពេលសមត្ថកិច្ចចុះទៅយកមកធ្វើចត្តាឡីស័ក

បានផុស

៤ years មុន

នៅ

ថ្ងៃសៅរ៍ ២៤ មេសា ២០២១

ដោយ

សមត្ថកិច្ចនគរបាល និងកងរាជអាវុធហត្ថ ខេត្តកំពង់ឆ្នាំង នៅវេលាម៉ោង១០និង៣០នាទី ព្រឹកថ្ងៃទី ២៤ ខែមេសានេះ បានព្យាយាមលួងលោមបុរសម្នាក់ និងស្ត្រីម្នាក់ជាប្ដីប្រពន្ធដែលបានចូលមកពីតំបន់ក្រហម ក្នុងរាជធានីភ្នំពេញកាលពី៥ថ្ងៃមុន និងបានចូលមកភូមិទួលក្រឡាញ់ សង្កាត់កំពង់ឆ្នាំងក្រុង កំពង់ឆ្នាំង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែក្នុងកិច្ចប្រតិបត្តិការនេះបុរសរូបនេះបានរារាំងសមត្ថកិច្ច ដោយមិនសហការទៅធ្វើចត្តាឡីស័ក និងពិនិត្យសំណាកឡើយ មិនតែប៉ុណ្ណោះបុរសរូបនេះបានចាប់ប្រពន្ធរបស់ខ្លួនធ្វើជាចំណាប់ខ្មាំងថែមទៀតផង ខណៈដែលប្រពន្ធបានយល់ព្រមទៅតាមអាជ្ញាធរ។

នៅក្នុងហេតុការណ៍នេះ សមត្ថកិច្ចប្រើនូវវិធានការក្តៅជាបន្ទាន់ទើប ចាប់ខ្លួនបុរសខាងលើនេះ ទៅចត្តាឡីស័ក និងពិនិត្យសំណាកបានសម្រេច។

ជាចុងក្រោយបុរសរូបនេះ និងប្រពន្ធ ត្រូវបានកងកម្លាំងសមត្ថកិច្ច និងគ្រូពេទ្យនាំយកទៅកាន់មន្ទីរពេទ្យបង្អែកខេត្តកំពង់ឆ្នាំងទាំងប្ដីប្រពន្ធតាមរថយន្តដើម្បីយកសំណាក និងបញ្ជូនពួកគាត់ទៅធ្វើចត្តាឡីស័កតាមវិធានការរបស់ក្រសួងសុខាភិបាល ៕

អត្ថបទ ៖ ឈៀង ថារិទ្ធ