ព័ត៌មានជាតិ

សម្ដេចពិជ័យសេនា ទៀ បាញ់ ចុះពិនិត្យគោលដៅ ចាក់វ៉ាក់សាំងកូវីដ-១៩ លើកទី២ នៅក្នុងរាជធានីភ្នំពេញ

បានផុស

៤ years មុន

នៅ

ថ្ងៃសៅរ៍ ២៤ មេសា ២០២១

ដោយ

សម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារ នៅព្រឹកថ្ងៃទី២៤ ខែមេសា ឆ្នាំ២០២១នេះ បានអញ្ជើញចុះពិនិត្យតាមបណ្ដាគោលដៅ ដែលរៀបចំដោយកងពលតូចលេខ៧០ ដើម្បីចាក់វ៉ាក់សាំងកូវីដ-១៩ លើកទី២ ជូនកងទ័ព និងគ្រួសារកងទ័ពនៅគោលដៅ ខណ្ឌទួលគោក (សាលាមត្តេយ្យ ទួលគោក) និងខណ្ឌឫស្សីកែវ (សាលាបឋមសិក្សាច្រាំងចម្រេះ)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងឱកាសនោះ សម្ដេចពិជ័យសេនា ទៀ បាញ់ បានក្រើនរំលឹកតាមបណ្ដាគោលដៅទាំងអស់ ត្រូវរៀបចំសណ្ដាប់ធ្នាប់ឲ្យបានល្អ ពិសេសវិធានការសុខាភិបាល រក្សាគម្លាតសុវត្ថិភាពបុគ្គល និងតម្រូវឲ្យពាក់ម៉ាស់ឲ្យបានគ្រប់គ្នា ដើម្បីជៀស វាងហានិភ័យ ដែលអាចកើតមានឡើង។

សូមបញ្ជាក់ថា កងពលតូចលេខ៧០ បានចាក់វ៉ាក់សាំងការពារជំងឺកូវីដ-១៩ ជូនកងទ័ព និងគ្រួសារកងទ័ព នៅតាមបណ្តាខណ្ឌដូចជា ទីបញ្ជាការកងពលតូចលេខ៧០ (ចោមចៅ), ខណ្ឌចំការមន សាលាបឋមសិក្សាអ្នកឧកញ៉ាមហាភក្តី ហ៊ុន នាង ទួលទំពូងទី២, ខណ្ឌ៧ មករា សាលាបឋមសិក្សាវឌ្ឍនវិជ្ជា, ខណ្ឌទួល គោក សាលាមត្តេយ្យទួលគោក, ខណ្ឌបឹងកេងកង វិទ្យាល័យ ជា ស៊ីម បឹងកេងកង, ខណ្ឌឫស្សីកែវ (សាលបឋមសិក្សាច្រាំងចម្រេះ), ខណ្ឌមានជ័យ សាលាអន្តរជាតិ ACE ផ្លូវជាតិលេខ២។

ការចាក់ថ្នាំការពារជំងឺកូវីដ-១៩ (ដូសទី២) ជូនគ្រួសារយោធិននេះ ចាប់ពីថ្ងៃទី២២ ខែមេសា ឆ្នាំ២០២១ តទៅ។ ការចាក់វ៉ាក់សាំងការពារជំងឺកូវីដ-១៩ ទាំង៧ទីតាំងខាងលើនេះ ក្នុងគ្រាដែលប្រទេសកម្ពុជា បានបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅ ខេត្តកណ្តាល៕

ដោយ ៖ កោះកែវ