ព័ត៌មានជាតិ
មនុស្យ១២៦នាក់ សង្ស័យវិជ្ជមានកូវីដ១៩ នេះបើតាមការយកសំណាកតាម Rapid Test
យ៉ាងហោចណាស់ នៅក្នុងក្រុងប៉ោយប៉ែត ខេត្តបន្ទាយមានជ័យ មានមនុស្សដល់ទៅ១២៦នាក់ កំពុងជាប់សង្ស័យមានជំងឺកូវីដ១៩ នេះបើតាមការយកសំណាកដោយ Rapid Test ក្រោយជាប់ពាក់ព័ន្ធជាមួយបុរសជនជាតិឥណ្ឌូនេស៊ីម្នាក់ ផ្ទុកជំងឺកូវីដ១៩ តែទោះជាយ៉ាងណា ត្រូវមានការធ្វើតេស្តម្ដងទៀតនៅវិទ្យាស្ថានប៉ាស្ទ័រភ្នំពេញ។
![](https://www.kampucheathmey.com/wp-content/uploads/2021/04/photo_2021-04-24_13-31-54-1024x768.jpg)
សូមបញ្ជាក់ថាមនុស្សទាំង១២៦នាក់នេះ មិនទាន់ទទួលស្គាល់ពីវិទ្យាស្ថានប៉ាស្ទ័រភ្នំពេញនៅឡើយទេ នៅរង់ចាំការប្រកាសជាផ្លូវការសិន ព្រោះថាការយកសំណាកតាម Rapid Test នៅមិនទាន់បញ្ជាក់ច្បាស់ថា អ្នកទាំង១២៦នាក់នោះឆ្លងកូវីដ១៩នោះទេ។ ក្រោយមានការផ្ទុះនិងសង្ស័យឆ្លងដោយផ្ទាល់និងដោយប្រយោលពីបុរសជនជាតិឥណ្ឌូនេស៊ីម្នាក់ ផ្ទុកជំងឺកូវីដ១៩ អាជ្ញាធរខេត្តបន្ទាយមានជ័យ លោក អ៊ុំ រាត្រី សម្រេចដាក់តំបន់បីក្នុងការបិទខ្ទប់មិនឲ្យចេញចូលជាបណ្ដោះអាសន្ន ក្នុងរយៈពេល១៤ថ្ងៃ។ ដោយកាលពីថ្ងៃទី២៣ ខែមេសា ឆ្នាំ២០២១ អភិបាលខេត្តបន្ទាយមានជ័យ បានដាក់តំបន់៣ជាតំបន់ក្រហម មានដូចជា៖
- បរិវេណទីតាំងបុរីដួងច័ន្ទទាំងមូល សិ្ថតក្នុងភូមិសាមគ្គីមានជ័យ សង្កាត់ប៉ោយប៉ែត ក្រុង ប៉ោយប៉ែត
- ជុំវិញអគារស្នាក់នៅម៉ាវង្សា សិ្ថតក្នុងភូមិសាមគ្គីមានជ័យ សង្កាត់ប៉ោយប៉ែត ក្រុង ប៉ោយប៉ែត ប៉ែកខាងត្បូងចាប់ពីចំណុចផ្លូវវត្តស្រះត្រាច កែងផ្លូវខាងត្បូងកាស៊ីណូ Golden Planet ដល់ផ្លូវទំនប់ក៥ និងប៉ែកខាងជើង ចាប់ពីកែងផ្លូវវត្តស្រះត្រាចចំណុចប្រសព្វរវាងភូមិសាមគ្គីមានជ័យ និងភូមិព្រៃព្រិច ដល់ផ្លូវទំនប់ក៥។
- ជុំវិញបរិវេណកាស៊ីណូ និងសណ្ឋាគារប៉ោយប៉ែតផ្លាស សិ្ថតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ប៉ែកខាងជើង ចាប់ពីចំណុចកែងរវាងផ្លូវស្រះត្រាច និងផ្លូវដើមពុទ្រា ដល់ផ្លូវវត្តបាលិលេយ្យ និងប៉ែកខាងត្បូង ចាប់ពីចំណុចកែងរវាងផ្លូវស្រះត្រាច និងផ្លូវក្រោយផ្ទះសំណាក់ អ៊ូរីណា ដល់ផ្លូវវត្តបាលិលេយ្យ។
![](https://www.kampucheathmey.com/wp-content/uploads/2021/04/photo_2021-04-24_13-31-49.jpg)
![](https://www.kampucheathmey.com/wp-content/uploads/2021/04/photo_2021-04-24_13-31-46.jpg)
![](https://www.kampucheathmey.com/wp-content/uploads/2021/04/photo_2021-04-24_13-31-27.jpg)
![](https://www.kampucheathmey.com/wp-content/uploads/2021/04/photo_2021-04-24_13-31-31.jpg)
សូមរំលឹកថា ករណីផ្ទុះជំងឺកូវីដនៅក្រុងប៉ោយប៉ែត ជាប់ព្រំដែនថៃខាងលើនេះ បានកើតមានឡើងដោយសារមានបុរសជនជាតិឥណ្ឌូនេស៊ីម្នាក់ បានស្នាក់នៅក្នុងបុរីដួងច័ន្ទ ផ្ទះលេខ១៣៤B ស្ថិតនៅក្នុង ភូមិសាមគ្គីមានជ័យ សង្កាត់/ក្រុង ប៉ោយប៉ែត ត្រូវបានរកឃើញវិជ្ជមានកូវីដ១៩៕
អត្ថបទ៖ សន ផានិត
សូមចុចអាន៖ ខេត្តបន្ទាយមានជ័យ ដាក់ភូមិចំនួនពីរ ក្នុងសង្កាត់ប៉ោយប៉ែតជាតំបន់ក្រហម
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម៩ ម៉ោង ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៣ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ២ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម៥ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៥ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ចរាចរណ៍១១ ម៉ោង ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
-
ជីវិតកម្សាន្ដ១០ ម៉ោង ago
G-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ
-
សន្តិសុខសង្គម១១ ម៉ោង ago
អគ្គិភ័យឆេះកន្លែងផ្ញើម៉ូតូ ឡាន ខូចខាតម៉ូតូ និងរថយន្ត៨គ្រឿង