ព័ត៌មានជាតិ
អភិបាលខេត្តកំពង់ចាម ចុះពិនិត្យ និងដាក់វិធានការនៅភូមិបិទខ្ទប់ក្នុង២ស្រុក
កំពង់ចាម៖ អភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ អមដំណើរដោយមន្ត្រីពាក់ព័ន្ធ និងអាជ្ញាធរមូលដ្ឋាន នៅថ្ងៃទី២៦ ខែមេសា ឆ្នាំ២០២១នេះ បានចុះពិនិត្យស្ថានភាពបិទខ្ទប់ជាបណ្តោះអាសន្ននូវភូមិថ្មី ខ ឃុំរកាគយ ស្រុកកងមាស និងភូមិកំផ្លាក់ ឃុំបារាយណ៍ ស្រុកស្រីសន្ធរ បន្ទាប់ពីរកឃើញប្រជាពលរដ្ឋខ្មែរឆ្លងជំងឺកូវីដ-១៩ តាមរយៈព្រឹត្តិការណ៍២០កុម្ភៈ។
លោក អ៊ុន ចាន់ដា អភិបាលខេត្តកំពង់ចាម បានថ្លែងថា បន្ទាប់ពីរកឃើញអ្នកវិជ្ជមានកូវីដ-១៩ នៅស្រុកកងមាស ចំនួន២នាក់ និងនៅស្រុកស្រីសន្ធរ ៨នាក់ ដោយមានអ្នកប៉ះពាល់ដោយផ្ទាល់ និងប្រយោលជាច្រើននាក់នោះ អាជ្ញាធរបានសម្រេចធ្វើការបិទខ្ទប់ភូមិ ដើម្បីធ្វើចត្តាឡីស័ក ដោយមានកម្លាំងសមត្ថកិច្ចអាជ្ញាធរមូលដ្ឋានដាក់បារ៉ាសយាមទាំងចុងភូមិ និងដើមភូមិ មិនអនុញ្ញាតឱ្យមានការធ្វើដំណើរពីផ្ទះមួយទៅផ្ទះមួយ ឬឆ្លងកាត់ពីភូមិមួយទៅភូមិមួយ ក្នុងរយៈពេល១៤ថ្ងៃ ប្រសិនជាគ្មានអ្នកវិជ្ជមានកូវីដ-១៩ ទេនោះ គឺត្រូវបើកឱ្យធ្វើដំណើរជាធម្មតាឡើងវិញ។
ក្នុងកិច្ចប្រជុំជាមួយអាជ្ញាធរមូលដ្ឋាននេះដែរ លោកអភិបាលខេត្ត បានដាក់ចេញនូវវិធានការចាំបាច់មួយចំនួន ដោយតម្រូវឱ្យអាជ្ញាធររៀបចំចងខ្សែជាសញ្ញា និងមានសរសេរអក្សរហាមឃាត់ ដាក់កាត់ទទឹងមុខផ្ទះ ទាំងសងខាងផ្លូវក្នុងភូមិ ឱ្យបានគ្រប់ៗផ្ទះ ចំពោះយានយន្តគ្រប់ប្រភេទត្រូវអនុញ្ញាតឱ្យធ្វើដំណើរឆ្លងកាត់ ប៉ុន្តែមិនត្រូវអនុញ្ញាតឱ្យឈប់សម្រាក ឬចូលទៅក្នុងភូមិនោះទេ។ ដោយឡែកចំពោះតម្រូវការម្ហូបអាហារប្រចាំថ្ងៃ អាជ្ញាធរអាចប្រើប្រាស់វិធី២យ៉ាង គឺទី១ ត្រូវបង្កើតឱ្យមានកន្លែងសម្រាប់លក់ដូរត្រីសាច់បន្លែនៅក្បែរៗទីនោះ ហើយអនុញ្ញាតឱ្យមនុស្សតែម្នាក់ទេក្នុង១គ្រួសារអាចចេញមកទិញស្បៀងអាហារ និងក្នុង១សប្តាហ៍អនុញ្ញាតឱ្យបានយ៉ាងច្រើន៣ដងប៉ុណ្ណោះ ដោយអាជ្ញាធរត្រូវចេញកាតសម្គាល់ឱ្យជាបន្ទាន់សម្រាប់ប្រើប្រាស់។ ទី២ ត្រូវអនុញ្ញាតឱ្យមានការលក់ដូរចល័ត តាមរម៉កម៉ូតូ ឬយានជំនិះអ្វីផ្សេង ចូលទៅក្នុងភូមិ ប៉ុន្តែត្រូវណែនាំឱ្យអ្នកលក់ដូរទាំងអស់ ត្រូវពាក់ម៉ាស ពាក់របាំងមុខការពារ និងប្រើប្រាស់ស្រោមដៃ ព្រមទាំងប្រើប្រាស់ទឹកអាកុលសម្រាប់លាងសម្អាតជាប្រចាំផងដែរ។
ជាមួយគ្នានោះ លោកអភិបាលខេត្ត ក៏បានណែនាំដល់អាជ្ញាធរមូលដ្ឋាន ត្រូវពិនិត្យតាមដានយ៉ាងយកចិត្តទុកដាក់បំផុតចំពោះបងប្អូនប្រជាពលរដ្ឋដែលធ្វើដំណើរមកពីតំបន់ប្រឈម ដែលមានដូចជា រាជធានីភ្នំពេញ តាខ្មៅ ប៉ោយប៉ែត និងកំពង់សោមជាដើម គឺត្រូវប្រើប្រាស់ឧបករណ៍ពិសេស ពិនិត្យតាមដានរោគសញ្ញាវិជ្ជមានជាបន្ទាន់ ហើយត្រូវយកទៅធ្វើចត្តាឡីស័ក។ ដោយឡែកប្រជាពលរដ្ឋ ដែលមកពីតំបន់មិនមានការប្រឈមទេនោះ គឺត្រូវអនុវត្តធ្វើចត្តាឡីស័កដូចគ្នា ប៉ុន្តែត្រូវអនុញ្ញាតឱ្យគាត់ធ្វើចត្តាឡីស័កនៅតាមផ្ទះរៀងៗខ្លួនវិញ។ ចំពោះអ្នកបំពានវិធានការសុខាភិបាល នឹងត្រូវអនុវត្តតាមនីតិវិធីច្បាប់ជាធរមានផងដែរ ៕
អត្ថបទ និង រូបភាព៖ ហុង ម៉េងហៀ
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
មន្ទីរអប់រំភ្នំពេញណែនាំឲ្យគ្រប់គ្រឹះស្ថានសិក្សារាយការណ៍ប្រចាំថ្ងៃពីវត្តមានរបស់គ្រូ-សិស្សក្នុងពិធីបុណ្យចូលឆ្នាំចិន
ឯកឧត្តមឧបនាយករដ្ឋមន្រ្តី ហ៊ុន ម៉ានី អញ្ជើញជាអធិបតីក្នុង ពិធីសម្ពោធរោងចក្រកែច្នៃកៅស៊ូធម្មជាតិ និងបើកមុខចៀរជ័រកៅស៊ូថ្មី នៅខេត្តព្រះវិហារ
រដ្ឋអាចនឹងចាប់ផ្ដើមទទួលពាក្យស្នើសុំដីពីពលរដ្ឋក្រីក្រចាប់ពីខែកុម្ភៈ
ពលរដ្ឋ និងសហជីព គាំទ្រយ៉ាងពេញទំហឹងចំពោះច្បាប់ស្ដីពីការប្រឆាំងការមិនទទួលស្គាល់ឧក្រិដ្ឋកម្មដែលប្រព្រឹត្តនៅសម័យខ្មែរក្រហម
ក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
អគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
គណៈសង្ឃនាយកចាត់ទុកមនោគមវិជ្ជារបស់សមាគមទេវ សក្ខី ភគវន្ត ធ្វើឱ្យមានភាពច្របូកច្របល់ដល់កិច្ចបដិបត្តិសាសនា
ដំណឹងល្អ! រុស្ស៊ី នឹងដាក់លក់ថ្នាំចាក់ព្យាបាលជំងឺមហារីកសឹងគ្រប់ប្រភេទ នៅខែកញ្ញាឆ្នាំនេះ
អ្នកនាំពាក្យ ពន្យល់មូលហេតុពីការផ្អាកប្រឡងសិស្សពូកែក្នុងឆ្នាំសិក្សា ២០២៤-២០២៥
-
ចរាចរណ៍៤ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៤ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ២ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានជាតិ២២ ម៉ោង agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានជាតិ២ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានអន្ដរជាតិ១៤ ម៉ោង agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានអន្ដរជាតិ៦ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានជាតិ៤ ថ្ងៃ agoរបាយការណ៍បឋម៖ រថយន្តដឹកគ្រឿងចក្រលើសទម្ងន់បណ្តាលឱ្យបាក់ស្ពានដែក