ព័ត៌មានជាតិ

រាជរដ្ឋាភិបាលបន្តបិទខ្ទប់រាជធានីភ្នំពេញ និងក្រុងតាខ្មៅរយៈពេល៧ថ្ងៃទៀត

បានផុស

៤ years មុន

នៅ

ថ្ងៃចន្ទ ២៦ មេសា ២០២១

ដោយ

រាជរដ្ឋាភិបាលកម្ពុជា នៅថ្ងៃទី ២៦ ខែមេសានេះ បានសម្រេចបន្តការបិទខ្ទប់រាជធានីភ្នំពេញ និងក្រុងតានៃខេត្តកណ្តាល រយៈពេល ៧ ថ្ងៃបន្តទៀត ដើម្បីប្រយុទ្ធ និងទប់ស្កាត់ការឆ្លងរាលដាល នៃជំងឺកូវីដ១៩។

វិធានការបិទខ្ទប់នឹងត្រូវអនុវត្តបន្តរហូតដល់ថ្ងៃទី ០៥ ខែឧសភាខាងមុខ ប៉ុន្តែបម្រាមអាចនឹងបន្តអាស្រ័យលើការចូលរួមរបស់ប្រជាពលរដ្ឋក្នុងតំបន់បិទខ្ទប់ និងស្ថានការឆ្លងរាលដាលជំងឺកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រាជរដ្ឋាភិបាលកាលពីថ្ងៃទី ១៤ ខែមេសា បានសម្រេចបិទខ្ទប់រាជធានីភ្នំពេញ និងក្រុងតាខ្មៅខេត្តកណ្ដាល រយៈពេល ១៤ថ្ងៃ ចាប់ពីម៉ោងសូន្យឈានចូលថ្ងៃទី១៥ រហូតដល់ថ្ងៃទី២៨ ខែមេសា ទាក់ទងនឹងការឆ្លងរាលដាលនៃជំងឺកូវីដ១៩។

ក្នុងអំឡុងពេលនៃការអនុវត្តវិធានការបិទខ្ទប់នេះ បុគ្គលគ្រប់រូបត្រូវបានហាមឃាត់មិនឱ្យធ្វើដំណើរចេញពីលំនៅឋាន ឬទីសំណាក់បច្ចុប្បន្នរបស់ខ្លួន ប្រសិនបើគ្មានការចាំបាច់៕