ព័ត៌មានជាតិ

ឃាត់ខ្លួនមនុស្ស១៤នាក់ ជួបជុំផឹកស៊ី និងលេងល្បែងស៊ីសង បំពានវិធានការណ៍បិទខ្ទប់

បានផុស

៤ years មុន

នៅ

ថ្ងៃអង្គារ ២៧ មេសា ២០២១

ដោយ

កម្លាំងនគរបាលខណ្ឌជ្រោយចង្វារ បានចុះឃាត់ខ្លួនមនុស្សចំនួន១៤នាក់ ដែលជួបជុំលេងល្បែង និងផឹកស៊ីល្មើសបម្រាមដែលដាក់រាជធានីភ្នំពេញនិងក្រុងតាខ្មៅ ខេត្តកណ្តាលបិទខ្ទប់ដើម្បីការពារការរីករាលដាលជំងឺកូវីដ១៩ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការឃាត់ខ្លួននេះធ្វើឡើងនៅវេលាម៉ោង៦និង៤៥នាទី ព្រលប់ថ្ងៃទី២៦ ខែមេសា ឆ្នាំ២០២១ នៅចំណុចផ្លូវកែវចិន្តា ភូមិ៣ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។

ប្រភពព័ត៌មានឲ្យដឹងថា បច្ចុប្បន្នជនសង្ស័យទាំង១៤នាក់ ត្រូវបានយកទៅធ្វើតេស្ដរកជំងឺកូវីដ១៩ និងធ្វើចត្តាឡីស័កនៅព្រែកព្នៅ ចំណែកម៉ូតូ៣គ្រឿង យកមករក្សាទុកនៅអធិការដ្ឋាននគរបាលខណ្ឌ ហើយពេលចប់ការធ្វើចត្តាឡីស័កចំនួន១៤ថ្ងៃ សមត្ថកិច្ចនឹងកសាងសំណុំរឿងបញ្ជូនទៅតុលាការ ដើម្បីអនុវត្តតាមនិតិវិធីច្បាប់ ៕

អត្ថបទ ៖ ឌីរៀ