ព័ត៌មានជាតិ

ចំការកញ្ឆាពីរទីតាំងផ្សេងគ្នានៅស្រុកគីរីវង់ ត្រូវកម្លាំងអធិការស្រុកកាប់បំផ្លាញចោល

បានផុស

៣ years មុន

នៅ

ថ្ងៃអង្គារ ២៧ មេសា ២០២១

ដោយ

តាកែវ ៖ ចំការកញ្ឆាដែលជលខិលខូចលួចលាក់ដាំដោយខុសច្បាប់២ទីតាំងផ្សេងគ្នា ត្រូវបានកម្លាំងអធិការដ្ឋាននគរបាលស្រុកគីរីវង់សហការគ្នា ឡើងភ្នំរុករកឃើញ និង កាប់បំផ្លាញចោលជាបន្តបន្ទាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយមានការចង្អុលបង្ហាញពីលោកឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ ករណីដំណាំកញ្ឆានៅមូលដ្ឋានខេត្ត ជាពិសេសក្នុងស្រុកគីរីវង់ នៅថ្ងៃទី២៧ ខែមេសា ឆ្នាំ២០២១ នេះ កម្លាំងជំនាញអធិការដ្ឋាននគរបាលស្រុកបានសហការជាមួយកម្លាំងប៉ុស្តិ៍នគរបាលរដ្ឋបាលឃុំទាំង១២ បើកប្រតិបត្តិការឡើងភ្នំរុករកដំណាំកញ្ឆាដែលជនខិលខួចលួចដាំខុសច្បាប់។

ក្នុងនោះបានប្រទះឃើញចំការកញ្ឆាចំនួន០២ទីតាំង អាងស្តុបទឹក០២នៅចំណុចដុបខាងលិចភ្នំតូច ស្ថិតក្នុងភូមិសាស្ត្រ ឃុំព្រះបាទជាន់ជុំ ស្រុកគីរីវង់ ដែលមានផ្ទៃដីប្រមាណ១២៦ម៉ែត្រក្រឡា។

បច្ចុប្បន្នកម្លាំងសមត្ថកិច្ចបានកាប់ដក់និងដុតបំផ្លាញដើមកញ្ឆាទាំងអស់ និងកំពុងបន្តស្រាវជ្រាវស្វែងរកម្ចាស់អ្នកដាំដំណាំកញ្ឆាដើម្បីយកមកផ្តន្ទាទោសតាមច្បាប់បន្ថែមទៀត៕

ដោយ ៖ វីរៈ