ព័ត៌មានជាតិ

គ្រាប់កាំភ្លើងត្បាល់៨០មម មិនទាន់ផ្ទុះមួយគ្រាប់កប់ក្នុងដី ត្រូវប្រជាពលរដ្ឋភ្ជួរស្រែប៉ះចំសំណាងមិនផ្ទុះ

បានផុស

៤ years មុន

នៅ

ថ្ងៃពុធ ២៨ មេសា ២០២១

ដោយ

កំពង់ឆ្នាំង ៖ គ្រាប់យុទ្ធភណ្ឌមិនទាន់ផ្ទុះមួយគ្រាប់( ៨០ មម ) កប់នៅក្នុងដីយូរហើយ ត្រូវបានប្រជាពលរដ្ឋបើកត្រាក់ទ័រភ្ជួរស្រែប៉ះចំពីលើ តែសំណាងល្អមិនផ្ទុះ ហើយក៏រាយការណ៍ជូនសមត្ថកិច្ច នគរបាលនិងប្រជាការពារឲ្យចុះមកយកទៅរក្សាទុកជូនស៊ីម៉ាក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចនគរបាលមូលដ្ឋានឃុំកោះថ្កូវបានឲ្យដឹង នៅល្ងាចថ្ងៃទី២៨ ខែមេសានេះថា កាលពីម្សិលមិញនេះ មានប្រជាពលរដ្ឋម្នាក់ឈ្មោះ អ៊ុតសារឿន ហៅ ប្រុញ រស់នៅក្នុងភូមិអង្គរជ្រុំ ឃុំកោះថ្កូវ ស្រុកជលគីរី ខេត្តកំពង់ឆ្នាំង បានបើកត្រាក់ទ័រភ្ជួរស្រែនៅខាងក្រោយផ្ទះ ស្រាប់តែប៉ះចំពីលើគ្រាប់កាំភ្លើងត្បាល់ ៨០ មុខ កប់ក្នុងដីយូរហើយតែសំណាងល្អមិនផ្ទុះ។

ក្រោយពីទទួលព័ត៌មាននេះភ្លាម សមត្ថកិច្ចនគរបាលមូលដ្ឋាននិងប្រជាការពារភូមិបានចុះទៅដល់ កន្លែងកើតហេតុ និងបានយកមករក្សាទុក ហើយបានរាយការណ៍ជូនលោកអធិការនគរបាលស្រុកដើម្បីប្រគល់ជូនមជ្ឈមណ្ឌលកំចាត់មីនស៊ីម៉ាក់កំពង់ឆ្នាំង យកទៅរក្សាទុកដើម្បីទប់ស្កាត់គ្រោះថ្នាក់ជាយថាហេតុកើតឡើងដល់ប្រជាពលរដ្ឋ៕

ដោយ ៖ ឈៀង ថារិទ្ធ