ព័ត៌មានជាតិ
ក្រសួងណែនាំឲ្យអភិបាលរាជធានីភ្នំពេញនិងខេត្តកណ្តាល ផ្អាកការរៀបចំវេទិកានិងកិច្ចប្រជុំនានាបណ្តោះអាសន្ន
ភ្នំពេញ ៖ ក្រសួងមហាផ្ទៃ បានណែនាំទៅ ដល់អភិបាលនៃគណៈអភិបាលរាជធានីភ្នំពេញ និងខេត្តកណ្តាលផ្អាកជាបណ្តោះអាសន្នចំពោះវេទិកាផ្សព្វផ្សាយ និងពិគ្រោះយោបល់ និងកិច្ចប្រជុំនានា ដែលមានមនុស្ស ចូលរួមច្រើនដើម្បីទប់ស្កាត់ការឆ្លងរីករាលដាលជំងឺកូវីដ១៩។
តាមរយៈលិខិតផ្ញើជួនអភិបាលរាជធានីភ្នំពេញ និងខេត្តកណ្ដាល ចេញផ្សាយនៅថ្ងៃទី១១ វិច្ឆិកានេះ លោក ប្រាក់ សំអឿនអគ្គនាយកដ្ឋានរដ្ឋបាលនៃក្រសួងមហាផ្ទៃបានស្នើដល់អភិបាលរាជធានីភ្នំពេញនិងអភិបាលខេត្តកណ្ដាលធ្វើការផ្អាកជាបណ្ដោះអាសន្ន រយៈពេល២សប្ដាហ៍ក្នុងការរៀបចំវេទិកាផ្សព្វផ្សាយពិគ្រោះយោបល់និងកិច្ចប្រជុំនានា ដែលមានមនុស្សជាច្រើនចូលរួម ដែលរៀបចំដោយរដ្ឋបាលរាជធានីភ្នំពេញខេត្តកណ្ដាល រដ្ឋបាលក្រុង ស្រុក ខណ្ឌ និងឃុំ សង្កាត់ក្នុងមូលដ្ឋាន រាជធានី ខេត្តទាំងពីរ ដើម្បីបន្ដអនុវត្តវិធានការទប់ស្កាត់ ឲ្យបានទាន់ពេលវេលា នូវការរីករាលដាល នៃជំងឺកូវីដ-១៩ សំដៅថែរក្សាសុខភាពសាធារណៈ និងសុវត្ថិភាពសង្គម។
លោកបានបន្តថា អភិបាលរាជធានីភ្នំពេញ និងខេត្តកណ្ដាល ត្រូវបន្ដអនុវត្តវិធានការបង្ការ និងទប់ស្កាត់ការរីករាលដាលជំងឺកូវីដ-១៩ ស្របតាមការណែនាំ របស់រាជរដ្ឋាភិបាល និងក្រសួងសុខាភិបាល ឲ្យបានជាប់ជាប្រចាំ នៅតាមទីកន្លែងបំពេញការងារ។
ការសម្រេចផ្អាកនេះដោយសារក្រសួងមហាផ្ទៃ មើលឃើញថា ក្នុងអំឡុងពេលថ្មីៗកន្លងមកនេះ ស្ថានភាពនៃជំងឺកូវីដ-១៩ នៅក្នុងភូមិសាស្ដ្ររាជធានីភ្នំពេញ និង ខេត្តកណ្ដាល មានហានិភ័យខ្ពស់ ក្នុងការបន្ដចម្លង ទៅក្នុងសហគមន៍មូលដ្ឋាន ដែលចាំបាច់ត្រូវបន្ដប្រុងប្រយ័ត្នខ្ពស់ និងត្រូវយកចិត្តទុកដាក់ ក្នុងការអនុវត្តវិធានការនានា ដើម្បីទប់ស្កាត់ការរីករាលដាល នៃជំងឺកូវីដ-១៩ របស់ក្រសួងសុខាភិបាល ឲ្យបានហ្មត់ចត់ជាទីបំផុត។
គួរបញ្ជាក់ថា គិតត្រឹមថ្ងៃទី១១ វិច្ឆិកានេះ កម្ពុជាអ្នកមានវីរុសកូវីដ-១៩ មានចំនួនសរុប ៣០១នាក់ ក្នុងនោះចំនួនអ្នកព្យាបាលជាសះស្បើយសរុបទូទាំងប្រទេស មានចំនួន ២៨៨នាក់ និងអ្នកសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត រាជធានីភ្នំពេញ ចំនួន១៣នាក់។
ដោយឡែក ការធ្វើតេស្តនៃអ្នកប៉ះពាល់ក្នុងព្រឹត្តិការណ៍០៣ វិច្ឆិកា មានចំនួនសរុប ១,៤៨១ វត្ថុសំណាក (ទាំងតេស្តលើកទី១ និងលើកទី២) ក្នុងចំនួននេះ អ្នកវិជ្ជមានវីរុសកូវីដ-១៩ មានចំនួន ៤នាក់ ដែលកំពុងសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត៕
ដោយ ៖ សំអឿន
កម្ពុជា ជំរុញ អាស៊ាន ពង្រឹងកិច្ចសហប្រតិបត្តិការវិស័យអប់រំ ជំនាញសតវត្សទី ២១ និងជំនាញឌីជីថល ក្នុងសករាជ AI
មីស៊ីល រុស្ស៊ី ហោះចូលដែនអាកាសណាតូ បញ្ឆេះស្ថានការណ៍ ឲ្យឆួលក្តៅ
អង្គការយូនីសេហ្វ ផ្សព្វផ្សាយយុទ្ធនាការឌីជីថលដើម្បីការពារកុមារពីការរំលោភបំពានផ្លូវភេទតាមអនឡាញ
តាមមីក្រូហិរញ្ញវត្ថុ ឥណទានជាប្រាក់រៀលកើនឡើងដល់ ២៥% នៃផលបត្រឥណទានសរុប
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ២ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម១៩ ម៉ោង agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ