ព័ត៌មានជាតិ
អាជ្ញាធរកម្ពុជា ស៊ើបអង្កេតរកជនឆបោកប្រាក់ តាមរយៈការរកការងារធ្វើ នៅស្ថានកុងស៊ុលជប៉ុន
អាជ្ញាធរខេត្តសៀមរាបនៃប្រទេសកម្ពុជា បានសម្រេចធ្វើការស៊ើបអង្កេតស្រាវជ្រាវមួយ បន្ទាប់ពីទទួលព័ត៌មានថា មានជនឆបោកប្រាក់ តាមរយៈការរកការងារធ្វើនៅស្ថានកុងស៊ុលជប៉ុនប្រចាំ ខេត្តសៀមរាប នេះបើតាមប្រភពព័ត៌មានពីអាជ្ញាធរខេត្តសៀមរាប ដែលទទួលបានកាលពីយប់ថ្ងៃទី១១ ខែវិច្ឆិកា។
អាជ្ញាធរខេត្តបានឲ្យដឹងថា ដោយមានកិច្ចសហការ និងទំនាក់ទំនងល្អជាមួយស្ថានកុងស៊ុលជប៉ុន អាជ្ញាធរទទួលបានព័ត៌មានថា ថ្មីៗនេះមានបុគ្គលម្នាក់ ដែលអះអាងថា ជាតំណាងក្រុមហ៊ុនមួយ ពុំទាន់ស្គាល់អត្តសញ្ញាណច្បាស់ បានប្រាប់បុរសម្នាក់ថា ដើម្បីបានបម្រើ ការងារនៅស្ថានកុងស៊ុលជប៉ុនប្រចាំខេត្តសៀមរាប ត្រូវទៅដាក់ពាក្យចូលបម្រើការងារ នៅស្ថានកុងស៊ុលនោះ ដោយបង់កម្រៃជើងសាចំនួន៥០០ដុល្លារ សម្រាប់ក្រុមហ៊ុន និង១០០ដុល្លារ សម្រាប់ស្ថានកុងស៊ុលជប៉ុន។
ពាក់ព័ន្ធនឹងករណីនេះ កាលពីថ្ងៃទី១០ ខែវិច្ឆិកា ឆ្នាំ២០២០ ស្ថានទូតជប៉ុនប្រចាំព្រះរាជាណាចក្រកម្ពុជា បានប្រកាសឲ្យប្រជាពលរដ្ឋប្រុងប្រយ័ត្ន ពីព្រោះអាចនឹងធ្វើឲ្យខាតបង់ប្រាក់ ដោយសារចាញ់បោកមនុស្សអាក្រក់ ទាក់ទងទៅនឹងការជ្រើសរើសបុគ្គលិករបស់ស្ថានទូតជប៉ុន នៅរាជធានីភ្នំពេញ និងការិយាល័យកុងស៊ុល នៅខេត្តសៀមរាប។
ស្ថានទូតបានបញ្ជាក់យ៉ាងនេះថា “ថ្មីៗនេះ មានករណីមួយបានកើតឡើង ដោយមានទីភ្នាក់ងារស្វែងរកការងារមួយកន្លែងតម្រូវឲ្យអ្នកដាក់ពាក្យបង់ប្រាក់កម្រជើងសា ដើម្បីទទួលបានឱកាសការងារនៅការិយាល័យកុងស៊ុលជប៉ុនប្រចាំខេត្តសៀមរាប”។
ស្ថានទូតបញ្ជាក់ទៀតថា “រាល់ការជ្រើសរើសបុគ្គលិករបស់ស្ថានទូតជប៉ុន នៅរាជធានីភ្នំពេញ និងការិយាល័យកុងស៊ុលនៅខេត្តសៀមរាប មិនដែលធ្វើតាមរយៈក្រុមហ៊ុន ឬទីភ្នាក់ងារស្វែងរកការងារទេ។ រាល់ព័ត៌មានទាំងអស់ មានផ្សព្វផ្សាយតែលើគេហទំព័រស្ថានទូត និងទំព័រហ្វេសប៊ុកផ្លូវការរបស់ស្ថានទូតជប៉ុន ប្រចាំកម្ពុជាតែប៉ុណ្ណោះ។ បន្ទាប់ពីទទួលបានព័ត៌មាននេះ អាជ្ញាធរខេត្តសៀមរាប បានអំពាវនាវឲ្យសាធារណជនមានការប្រុងប្រយ័ត្ន ពាក់ព័ន្ធនឹងករណីខាងលើ។
ជាមួយគ្នានេះ អាជ្ញាធរខេត្ត ក៏បានអំពាវនាវដល់សាមីជន ដែលទទួលរងគ្រោះដោយអំពើល្មើសនេះ សហការ ផ្តល់ព័ត៌មាន ដើម្បីឈានទៅរកការស្រាវជ្រាវ ទប់ស្កាត់ បង្ការ និងចាត់វិធានការចំពោះបុគ្គលទុច្ចរិតនេះតាមផ្លូវច្បាប់ផងដែរ៕
អត្ថបទ៖ កោះកែវ
សូមចុចអាន៖ ទូតជប៉ុន ឲ្យពលរដ្ឋកម្ពុជាប្រយ័ត្នចាញ់បោកគេ រឿងរើសការងារធ្វើ
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ២ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៧ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ