ព័ត៌មានជាតិ
នគរបាលខណ្ឌដង្កោដឹកកូនមកពីមន្ទីរពេទ្យជួបគ្រោះថ្នាក់ចរាចរណ៍រហូតដល់ស្លាប់ ខណៈកូនប្រពន្ធរបួសធ្ងន់
ពិតជាអាសូរដល់មន្ត្រីនគរបាលអន្តរាគមន៍នៃអធិការដ្ឋានខណ្ឌដង្កោម្នាក់ បានជួបគ្រោះថ្នាក់ចរាចរណ៍រហូតដល់ស្លាប់ក្នុងពេលដែលជនរងគ្រោះដឹកកូនមកពីមន្ទីរពេទ្យ។
ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១៩និង៥០នាទីយប់ថ្ងៃទី១ ខែឧសភា ស្ថិតនៅតាមបណ្តោយផ្លូវ៦០ម៉ែត្រភូមិព្រែកតាឡុងសង្កាត់ចាក់អង្រែក្រោមខណ្ឌមានជ័យរាជធានីភ្នំពេញ។ ជនរងគ្រោះឈ្មោះម៉ៅ ចាន់ឌូ អាយុ២៩ឆ្នាំជាមន្ត្រីនគរបាលផ្នែកអន្តរាគមន៍ខណ្ឌដង្កោនិងមានលំនៅដ្ឋានក្នុងខណ្ឌដង្កោរាជធានីភ្នំពេញ។

យោងតាមសេចក្តីរាយការណ៍ពីលោកសិន អឹង អនុប្រធានផ្នែកចរាចរណ៍នៃអធិការដ្ឋាននគរបាលខណ្ឌមានជ័យបានឲ្យកម្ពុជាថ្មីដឹងថា មុនពេលកើតហេតុជនរងគ្រោះម៉ៅ ចាន់ឌូ បានជិះម៉ូតូឌុបប្រពន្ធនិងកូនតូចត្រឡប់មកពីមន្ទីរពេទ្យដោយសារតែកូនមានអាការះមិនស្រួលខ្លួន។លុះពេលត្រឡប់មកពីមន្ទីរវិញបានឌុបប្រពន្ធនិងកូនតូចត្រឡប់ទៅផ្ទះនៅឯខណ្ឌដង្កោដោយធ្វើដំណើរតាមបណ្តោយផ្លូវ៦០ម៉ែត្រក្នុងទឹសដៅពីក្បាលថ្នល់ឆ្ពោះទៅត្បូង។

លុះមកដល់ចំណុចកើតហេតុក៏មានរថយន្តដឹកដីដែលធ្វើដំណើរស្របទឹសគ្នាបានបត់ចូលការដ្ឋានសំណង់បានកៀម៉ូតូជនរងគ្រោះបណ្តាលឲ្យដួលហើយរថយន្តបានកិនពីលើធ្វើឲ្យជនរងគ្រោះបែកក្បាលស្លាប់។ចំណែកប្រពន្ធបាក់ជើងដោយឡែកកូនតូចរងរបួសមធ្យម។
លោកអនុសេនីយ៍ឯក សុិន អឹង បន្តថាបន្ទាប់ពីបង្កគ្រោះថ្នាក់រួចមករថយន្តបង្កបានបើកចូលទៅការដ្ឋានបាត់ហើយអ្នកបើកបរបានរត់គេចខ្លួនបន្សល់ទុកតែរថយន្តត្រូវបានប្រគល់ជូនការិយាល័យនគរបាលចរាចរណ៍ជើងគោកនៃស្នងការដ្ឋាននគរបាលរាជធានីភ្នំពេញនាំយកទៅដោះស្រាយតាមនិតិវិធីច្បាប់។

ពិតជាគួរឲ្យអាសូរខ្លាំងណាស់ដែលជនរងគ្រោះខិតខំដឹកកូនតូចទៅពិនិត្យជំងឺបែជាជួបគ្រោះថ្នាក់ដល់បាត់បង់ជីវិតខ្លួនឯង។ ករណីគ្រោះថ្នាក់នេះដោយសារភាគីរថយន្តដឹកដីបើកបរខ្វះការប្រុងប្រយត្ន័៕
អត្ថបទ៖ នរា

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៧ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ១ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី