ព័ត៌មានជាតិ
បងប្អូនពី អេសស៊ីជី បានចូលរួមចំណែក ក្នុងការសាងសង់ទីធ្លា ក្នុងបរិវេណសាលាដូងសម្រាប់សិស្សានុសិស្ស
បងប្អូនពីអេសស៊ីជី ចំនួន ៦២ នាក់បានចូលរួមដោយផ្ទាល់ក្នុង ការសាងសង់ទីធ្លាក្នុងបរិវេណសាលាដូង ដែលស្ថិតក្នុងឧទ្យានជាតិគិរីរម្យ ដោយប្រើប្រាស់ដុំបេតុង ប្រមាណ ៣០ តោន ពីរោងចក្របេតុងអេសស៊ីជី កាលពីថ្ងៃទី៦ ខែវិច្ឆិកា ឆ្នាំ២០២០។
ការសាងសង់ទីធ្លានេះ គឺដើម្បីជួយសម្រួលដល់សិស្សានុសិស្ស ឲ្យដើរបានងាយស្រួលជាពិសេសក្នុងរដូវភ្លៀង ហើយក៏ជាផ្នែកមួយនៃគោលការណ៍ SCG Circular Way ដែលបង្កើតឡើង ដើម្បីជំរុញដល់ការបន្តប្រើប្រាស់ឡើងវិញ ឬកែច្នៃប្រើប្រាស់ ដើម្បីកាត់បន្ថយកាក សំណល់ឲ្យស្ថិតក្នុង កម្រិតអប្បបរមា តាមរយៈការប្រើប្រាស់ឲ្យអស់លទ្ធភាព និងឲ្យបានជាអតិបរមា នូវតម្លៃនៃធនធាន ដែលមានស្រាប់។
លោក អ៊ុក វណ្ណដេ ស្ថាបនិកសាលាដូងគិរីរម្យ បានមានប្រសាសន៍យ៉ាងដូច្នេះថា “អ្វីដែល យើងបានធ្វើការជាមួយគ្នារយៈពេលពីរថ្ងៃនេះ យើងទទួលបាននូវការជួយខ្លាំងមែនទែនទៅលើ ទីធ្លាក្មេងលេង ពេលគាត់ចេញពីរៀនហើយលេង ទោះជាមានភ្លៀង គាត់នៅតែអាចបន្តលេងដោយ មិនបាច់ប្រឡាក់ជើង ហើយមិនរអិល។ កិច្ចការដែលខ្ញុំនិង អេសស៊ីជី កំពុងតែធ្វើនេះ គឺយើងតម្រង់ទៅជួយ ដល់បរិស្ថាន មានន័យថាយើងព្យាយាមប្រើរបស់ឲ្យអស់ពីលទ្ធភាព យើងជួយក្នុងរូបភាពដ៏ប្រសើរ ជាគំរូដល់ក្រុមហ៊ុនផ្សេងៗទៀតថា មុននឹងបោះបង់អី្វមួយចោល យើងត្រូវតែទម្លាក់វាចូលទៅកន្លែង ដែលត្រឹមត្រូវ ដើម្បីទាញយកប្រយោជន៍នៃការបោះបង់ហ្នឹងទៀត។ ខ្ញុំសូមថ្លែងអំណរគុណយ៉ាងធំធេង សម្រាប់ការផ្តល់មកនូវដុំបេតុងនេះ និងអ្វីៗជាច្រើនទៀត អរគុណ ច្រើនមែនទែន!”
លោក វិរោទ ផាណិជ្ជភោជម៉ាន (Wirot Phanitphotchamarn) នាយកផ្នែកលក់ និងទីផ្សារ របស់ក្រុមហ៊ុន អេសស៊ីជី បានពន្យល់ថា “អេសស៊ីជី និង ខេ ស៊ីមេនផ្តោតសំខាន់ទៅលើការប្រើប្រាស់ឲ្យអស់លទ្ធភាព ដែលយើងហៅថា SCG Circular Way។ ហើយពួកយើងដឹងថា សាលាដូង ក៏មានការកែច្នៃប្រើប្រាស់សំរាមឲ្យក្លាយជារបស់មានប្រយោជន៍ ដែលនេះជាគោលដៅដូចគ្នាទៅនឹង អេសស៊ីជី។ យើងសង្ឃឹមថា ការចូលរួមមួយ ដែលល្អបែបនេះអាចចាត់ទុកជាចំណុចចាប់ផ្តើម ដើម្បីក្រើនរំលឹកដល់ប្រជាជនទាំងអស់ ឲ្យព្យាយាមប្រើអ្វីមួយឲ្យអស់ពីលទ្ធភាព សម្រាប់សង្គមតទៅ!”។
ថ្ងៃនេះ ជាថ្មីម្តងទៀតបន្ថែមពីលើសកម្មភាពទំនួលខុសត្រូវសង្គមផ្សេងៗជាច្រើន គ្រួសារអេសស៊ីជី បានបន្តចូលរួមធ្វើអំពើល្អ សម្រាប់សង្គម និងអនាគតប្រទេសកម្ពុជា។ ដូចដែលគ្រប់គ្នានៅ អេសស៊ីជី តែងប្រើពាក្យមួយឃ្លាថា “រឹងមាំទាំងអស់គ្នា ដើម្បីអនាគតកម្ពុជា កាន់តែប្រសើរ។” ជាការកត់សម្គាល់ អេសស៊ីជី គឺជាក្រុមហ៊ុនពហុសាជីវកម្មដ៏ធំមួយ ក្នុងតំបន់អាស៊ាន ដែលតែង តែជួយឧបត្ថម្ភគាំទ្រដល់សហគមន៍ជាញឹកញាប់ តាមរយៈសកម្មភាពសង្គមរបស់ខ្លួនទាំងផ្នែកអប់រំ ផ្នែកសុខាភិបាល និងផ្នែកបរិស្ថានជាដើម៕
អត្ថបទពាណិជ្ជកម្ម
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
-
ព័ត៌មានអន្ដរជាតិ២ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៦ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ