ថវិកាសប្បុរសជនចូលរួមបរិច្ចាគ​​ដល់សាខាកាកបាទក្រហមខេត្តបន្ទាយមានជ័យឆ្នាំនេះ មានចំនួនតិចតួច

ថវិកាសប្បុរសជនបានចូលរួមបរិច្ចាគដល់សាខាកាកបាទក្រហមខេត្តបន្ទាយមានជ័យក្នុងឱកាសខួបលើកទី ១៥៨ ទិវាកាកបាទក្រហម និងអឌ្ឍច័ន្ទក្រហម ៨ ឧសភាសម័យកូវីដឆ្នាំនេះ ទទួលបានតិចតួច។

លោក អ៊ុំ រាត្រី ប្រធានគណៈកម្មាធិការសាខាកាកបាទក្រហមកម្ពុជាខេត្តបន្ទាយមានជ័យ ព្រមទាំងក្រុមការងារសាខាកាកបាទក្រហមខេត្ត នៅថ្ងៃទី ០៣ ខែឧសភានេះ បានទទួលថវិកាពីសប្បុរសជន អាជីវករមួយចំនួនមកពីស្រុកមង្គលបូរី។

លោកអភិបាលខេត្តក៏បានថ្លែង អរគុណដល់សប្បុរសជនដែលបានបរិច្ចាគថវិកា ធនធានផ្ទាល់ខ្លួន ដើម្បីរួមចំណែកជួយឧបត្ថម្ភគាំទ្រដល់សកម្មភាពការងារមនុស្សធម៍កាកបាទក្រហម។

លោក អ៊ុំ រាត្រីក៏បានបញ្ជាក់ឲ្យដឹងបន្តទៀតថាខេត្តបន្ទាយមានជ័យជ័យ ឆ្នាំ ២០២០កន្លងទៅនេះបានជួបប្រទះគ្រោះធម្មជាតិ២ធំៗ ១ជួបប្រទះនិងជំងឺកូវីដ១៩ គ្រោះធម្មជាតិ លិចលង់ផ្ទះសម្បែង ហេដ្ឋារចនាសម្ព័ន្ធ និងស្លាប់មនុស្សទៀត៕

អត្ថបទ៖វ៉ាន់ ណាង