ព័ត៌មានជាតិ

ភ្លៀងលាយឡំខ្យល់កន្ត្រាក់និងផ្គររន្ទះ ផ្ដាច់ជីវិតបុរសម្នាក់

បានផុស

៤ years មុន

នៅ

ថ្ងៃអង្គារ ៤ ឧសភា ២០២១

ដោយ

បុរសម្នាក់ត្រូវរន្ទះបាញ់បណ្តាលឲ្យដួលស្លាប់ភ្លាមៗ ខណៈពេលមេឃកំពុងភ្លៀងលាយឡំខ្យល់កន្ត្រាក់ និងខូចខាតផ្ទះប្រជាពលរដ្ឋអស់ជាច្រើនខ្នងនៅក្នុងស្រុកភ្នំព្រឹក ខេត្តបាត់ដំបង។

លោក សុង សុភ័ក្ត អភិបាលស្រុកភ្នំព្រឹកបានឲ្យដឹងថា គ្រោះធម្មជាតិនេះបានកើតឡើងនៅល្ងាចថ្ងៃទី០២ ខែឧសភា ឆ្នាំ២០២១ ត្រង់ចំណុចភូមិអូរដា និងភូមិដំណាក់ក្សាន្ត ក្នុងឃុំបួរ ស្រុកភ្នំព្រឹកខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនរងដែលស្លាប់នៅក្នុងហេតុការណ៍ខាងលើមានឈ្មោះ ផាត់ ស្តុក ភេទប្រុស អាយុ៥៨ឆ្នាំ រស់នៅក្នុងភូមិអូរដា ឃុំបួរ ស្រុកភ្នំព្រឹក។

អាជ្ញាធរស្រុកបន្ថែមថា ក្នុងពេលវេលាដំណាលគ្នាឥទ្ធិពលគ្រោះធម្មជាតិខាងលើនេះ ក៏បានបង្កឲ្យមានខ្យល់កន្ត្រាក់បានបោកបក់យ៉ាងខ្លាំងគ្របដណ្តប់លើភូមិដំណាក់ក្សាន្តបន្តទៀត បណ្តាលឲ្យលំនៅដ្ឋានរបស់ប្រជាកសិករចំនួន៥ខ្នងទៀតរងការបំផ្លាញធ្ងន់និងស្រាល។

ស្ថានភាពគ្រោះធម្មជាតិរយ:ពេលចុងក្រោយនេះ បានឆក់យកជីវិតមនុស្សជាច្រើននាក់និងបានបំផ្លាញផ្ទះពលរដ្ឋជាច្រើនខ្នងផ្សេងទៀតជាបន្តបន្ទាប់ ពិសេសនៅតាមតំបន់ព្រំដែនរដ្ឋបាលស្រុកដែលប្រឈមរងគ្រោះខ្លាំងខាងលើបានអំពាវនាវឲ្យប្រជាពលរដ្ឋមានការប្រុងប្រយ័ត្នហើយកុំចេញពីផ្ទះពេលមានភ្លៀងរលឹម ឬភ្លៀងផ្គរកុំប៉ះពាល់ជាតិដែកឬប្រើទូរស័ព្ទពេលកំពុងមានភ្លែកបន្តោលខ្លាំង៕

អត្ថបទ ៖ សៅ សារិទ្ធ