ព័ត៌មានជាតិ
ទំនាស់ក្នុងគ្រួសារញឹកញាប់ពេក ប្រពន្ធចាក់សាំងដុតប្តីរបួសធ្ងន់ ហើយកូន២នាក់រងរបួសស្រាល
កម្លាំងនគរបាលជំនាញខេត្តសៀមរាប ឃាត់ខ្លួនស្ត្រីម្នាក់ ករណីយកសាំងមកចាក់លើដងខ្លួនប្តីរួចដុតបណ្តាលឲ្យរបួសធ្ងន់កូនស្រី២នាក់និងឆេះរោងចាំចម្ការ។
លោកឧត្តមសេនីយ៍ត្រី ភឹងចិន្តារ៉េត ស្នងការរងទទួលផែនព្រហ្មទណ្ឌនៃស្នងការដ្ឋាននគរបាលខេត្តសៀមរាប បានឲ្យដឹងនៅថ្ងៃទី០៤ ខែឧសភា នេះថា កម្លាំងនគរបាលព្រហ្មទណ្ឌកម្រិតធ្ងន់នៃស្នងការដ្ឋានខេត្ត បានឃាត់ខ្លួនជនសង្ស័យឈ្មោះ ឡូន សាន្ត ភេទស្រី អាយុ២៦ឆ្នាំ មុខរបរកសិករ រស់នៅភូមិអន្លងធំ ឃុំខ្នងភ្នំ ស្រុកស្វាយលើ ខេត្តសៀមរាប ដែលបានប្រព្រឹត្តបទល្មើសករណីប៉ុនប៉ងឃាតកម្ម កាលពីវេលាម៉ោង១៤និង០០នាទី ថ្ងៃទី៣០មេសាឆ្នាំ២០២១។ លោកបន្ថែមថា កម្លាំងសមត្ថកិច្ចយើងទទួលបានព័ត៌មានពីប្រជាពលរដ្ឋម្នាក់ឈ្មោះ ឡូញ ឡា បានរាយការណ៍ថា មានករណីភ្លើងឆេះលើជនរងគ្រោះឈ្មោះ គង់ ឆាយ ភេទប្រុស អាយុ៤៨ឆ្នាំ នៅដីចម្ការរបស់ខ្លួន (ឆ្ងាយពីផ្ទះប្រជាពលរដ្ឋប្រហែល ៤គីឡូ) ស្ថិតនៅភូមិអន្លង់ធំ ឃុំខ្នងភ្នំ ស្រុកស្វាយលើ ខេត្តសៀមរាប។
ក្រោយទទួលបានព័ត៌មាននេះ កងកម្លាំងបានចុះស្រាវជ្រាវស៊ើបអង្កេតជុំវិញករណីខាងលើនេះ។ក្នុងនោះប្រជាពលរដ្ឋបានបញ្ជាក់ថា គេបានឃើញជនរងគ្រោះឈ្មោះ គង់ ឆាយ ស្ថិតក្នុងស្ថានភាពឆេះខ្លោចលើដងខ្លួន និងផ្ទៃមុខ បានរត់មកដល់ភូមិ ហើយត្រូវគេបានជូនទៅមណ្ឌលសុខភាពខ្នងភ្នំ តែដោយមានស្ថានភាពធ្ងន់ធ្ងរក៏ត្រូវបានបញ្ជូនទៅសង្គ្រោះនៅមន្ទីរពេទ្យបង្អែកខេត្តសៀមរាប។ លោកបន្ថែមថា តាមការស្តាប់បំភ្លឺឈ្មោះ ឆាយ គង់វង់ ភេទប្រុស អាយុ៦ឆ្នាំ (ត្រូវជាកូនបង្កើតរបស់ជនរងគ្រោះ) បានឲ្យដឹងថា ម្តាយរបស់គេជាអ្នកចាក់សាំងដុតឪពុករបស់ខ្លួន ដោយសារកាលពីព្រឹកចន្លោះម៉ោង៩ នៃថ្ងៃខែឆ្នាំ កើតហេតុឪពុកម្តាយខ្លួនមានជម្លោះនិងគ្នា លុះពេលរសៀលខណៈពេលជនរងគ្រោះជាឪពុកកំពុងដេកលក់ ត្រូវបានម្តាយយកសាំងចាក់ស្រោចពីលើដុតតែម្តង ក្នុងហេតុការណ៍នោះ ក៏បណ្តាលឲ្យប្អូនៗរបស់ខ្លួន២នាក់ទៀតមានឈ្មោះ ឆាយ ស្រីមួយ ភេទស្រី អាយុ៤ឆ្នាំនិងឈ្មោះ ឆាយ ស្រីពីរ ភេទស្រីអាយុ ៣ឆ្នាំរលាកភ្លើងរងរបួសផងដែរ ដោយពួកគេដេកនៅក្បែរឪពុក។ លុះដល់ថ្ងៃទី០២ ខែឧសភា ឆ្នាំ២០២១ វេលាម៉ោង ៩:៣០នាទី កម្លាំងនគរបាល បាននាំខ្លួនជនសង្ស័យឈ្មោះ ឡូញ សាន្ត មកធ្វើការសាកសួរ ដោយគេបានឆ្លើយសារភាពថា រូបគេនិងជនរងគ្រោះ គឺជាប្ដីប្រពន្ធនឹងគ្នាតែងតែមានទំនាស់ពាក្យសំដីនិងផ្ទុះអំពើហិង្សាក្នុងគ្រួសារជាញឹកញាប់។
ជាក់ស្ដែងនៅថ្ងៃកើតហេតុវេលាម៉ោង១២និង០០នាទីថ្ងៃត្រង់ប្ដីរបស់ខ្លួនបានផឹកស្រាស្រវឹង វាយបំផ្លាញទ្រព្យសម្បត្តិ និងវាយសម្លាប់មាន់ចោលអស់ចំនួន ៤ក្បាលហើយខ្លួនបានស្ដីបន្ទោសធ្វើឲ្យប្ដីខឹងស្ទុះមកធ្លាក់ខ្លួនចំចង្កេះចំនួន ២ជើងបណ្ដាលឲ្យដួល។ ក្រោយមកនៅវេលាម៉ោង ១៤:០០នាទី ថ្ងៃខែឆ្នាំដដែល ខណៈពេលដែលប្ដីកំពុងដេកលង់លក់នៅក្នុងខ្ទមចាំចម្ការខ្លួនបានយកសាំងចាក់ស្រោចទៅលើខ្លួនរបស់ប្ដីហើយដុតតែម្ដងបណ្ដាលឲ្យឆាបឆេះរលាកពេញខ្លួន ហើយក្នុងហេតុការណ៍នោះ បណ្ដាលឲ្យកូនស្រីរបស់ខ្លួនដែលមានឈ្មោះខាងលើរងរបួសផងដែរ។
បច្ចុប្បន្នកម្លាំងនគរបាលព្រហ្មទណ្ឌកម្រិតធ្ងន់នៃស្នងការដ្ឋានខេត្តសៀមរាប បានឃាត់ខ្លួន និងរៀបចំសំណុំរឿងទៅតុលាការដើម្បីចាត់ការបន្ត៕
អត្ថបទ៖ កុសល
សូមចុចអាន៖ ផ្ទះប្រជាពលរដ្ឋ១៦ខ្នងរងគ្រោះស្ទើររាបដល់ដីដោយសារខ្យល់កន្ត្រាក់ភ្លៀងកក់ខែមួយមេធំ
អាជ្ញាធរសុខាភិបាលអាមេរិកកំពុងតាមដានករណីសង្ស័យឆ្លងជំងឺផ្តាសាយបក្សីពីមនុស្សទៅមនុស្ស
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
សម្ដេចតេជោ សាទរលោក Shigeru Ishiba ដែលជាប់ឆ្នោតជាប្រធានបក្សប្រជាធិបតេយ្យសេរីរបស់ជប៉ុន
ស.ស.យ.ក ខេត្តសៀមរាប រៀបចំកម្មវិធីវេចនំអន្សមមហាគ្រួសារខ្មែរលើទឹកដីអង្គរ
ពលរដ្ឋត្រៀមខ្លួនជាស្រេច ដើម្បីជិះរថយន្តក្រុងឥតគិតថ្លៃរបស់រាជរដ្ឋាភិបាលក្នុងឱកាសបុណ្យភ្ជុំបិណ្ឌ
ស្នងការរាជធានី ចេញមុខបំភ្លឺបន្ទាប់ពីគណនីហ្វេសប៊ុកមួយបង្ហោះសាររកយុត្តិធម៌ពីករណីគ្រោះថ្នាក់ចរាចរណ៍
លើកដំបូង! រុស្ស៊ី បាញ់មីស៊ីលល្បឿនលឿនជាងសំឡេង ៣គ្រាប់ វាយប្រហារ អ៊ុយក្រែន
រថភ្លើងល្បឿនលឿនដែលទិញពីជប៉ុន បើកទទួលកក់សំបុត្រដឹកភ្ញៀវ ក្នុងឱកាសបុណ្យភ្ជុំបិណ្ឌ
បុរសម្នាក់ចូលព្រៃកាប់ឈើ ក្នុងតំបន់ហាមឃាត់ជាន់មុីនបណ្តាលឲ្យដាច់ជើងម្ខាងរបួសធ្ងន់
ត្រាំ ប្រាប់ទៅ ហ្សេលេនស្គី ថា លោកមិនដូរចិត្តឡើយ លើបញ្ហាសង្គ្រាមរុស្ស៊ី-អ៊ុយក្រែន
-
ព័ត៌មានអន្ដរជាតិ៤ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ២ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ១ សប្តាហ៍ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានជាតិ២ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៥ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ជីវិតកម្សាន្ដ៣ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៣ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៤ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ