ព័ត៌មានជាតិ

ឆេះស្នាក់ការបក្សភ្នំសំពៅ អស់សម្ភារៈជាច្រើននៅមិនទាន់ដឹងមូលហេតុ

បានផុស

៤ years មុន

នៅ

ថ្ងៃអង្គារ ៤ ឧសភា ២០២១

ដោយ

បាត់ដំបង ៖ ស្នាក់ការបក្សមួយកន្លែង ត្រូវបានអគ្គីភ័យឆាបឆេះស្ទើរទាំងស្រុង រួមទាំងការខូចខាតនូវសម្ភារៈអស់ជាច្រើនផងដែរ ប៉ុន្តែគេនៅមិនទាន់ដឹងអំពីមូលហេតុនៅឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីនេះបានកើតឡើង នៅថ្ងៃទី ៤ ខែឧសភា ឆ្នាំ ២០២១ វេលាម៉ោង ១២.០០នាទី នៅទីស្នាក់ការគណបក្សប្រជាជនកម្ពុជា ឃុំភ្នំសំពៅ ស្ថិតនៅ ភូមិភ្នំសំពៅកើត ឃុំ ភ្នំសំពៅ ស្រុកបាណន់ ខេត្តបាត់ដំបង ។

ករណី អគ្គីភ័យនេះ បានធាបឆេះ អគារប្រជុំ១ខ្នង អស់ស្មើនិង៩០ភាគរយ ដោយការសន្និដ្ឋានបឋមគឺមូលហេតុឆ្លងចរន្តអគ្គីសនី សម្ភារៈខូចខាតរួមមាន :

១.អាគារ 25ម x 8ម ១ខ្នង ២.ម៉ូតូម៉ាក ឌូក ១គ្រឿង ៣.ម៉ូទ័រ បូមទឹក២គ្រឿង ៤.ម៉ូទ័រ ស្វាន២គ្រឿង ៥.ឧបករណ៍ ផ្សាដែក២គ្រឿង ៦.ម៉ូទ័រ កាត់ឈើ ១គ្រឿង៧.ម៉ូទ័របាញ់វីស ១គ្រឿង ៨.ម៉ូទ័រ ខាត់ឈើ១គ្រឿង ៩.ម៉ូទ័រ ខាត់ដែក១គ្រឿង ១០.ឧបករណ៍បំពងសំឡេង១ឈុត ១១.កៅអី ឈើ១៤០កៅអី ១២.តុគណៈអធិបតី ១ គ្រឿង ១៣.តុគណៈចាត់តាំង ១គ្រឿង ១៤.កង្ហាបញ្ឈរធំ ២គ្រឿង ១៥.កង្ហា ព្យូពិដាន១២គ្រឿង ១៦.សម្ភារៈផ្ទះបាយ១ឈុតនិងសម្ភារៈ១ចំនួនទៀត សរុប ជាទឹកប្រាក់ប្រមាណ ២៥.០០០ ដុល្លារ ។

នៅក្នុងហេតុការណ៍នោះដែរ រថយន្តពន្លត់អគ្គីភ័យបានចេញជួយអន្តរាគមន៍ ជាមួយ និងរថយន្តច្នៃរបស់ប្រជាពលរដ្ឋជួយបាញ់បន្តរហូតគ្រប់គ្រងស្ថានការបានទាំងស្រុង តែមិនបណ្តាលឲ្យគ្រោះថ្នាក់ដល់មនុស្សឡើយ៕

ដោយ ៖ សោ និយមរ័ត្ន