ព័ត៌មានជាតិ

អាជ្ញាធរចុះបិទទីតាំង ផ្ទះគ្រូពេទ្យព្យាបាលឯកជនជំងឺទូទៅនិងជំងឺកុមារ ពាក់ព័ន្ធអ្នកដើរលក់ឱសថ មានវិជ្ជមានកូវីដ១៩

បានផុស

៤ years មុន

នៅ

ថ្ងៃពុធ ៥ ឧសភា ២០២១

ដោយ

ឧត្តរមានជ័យ ៖ នៅវេលាម៉ោង១៤និង២០នាទី ថ្ងៃទី០៥ ខែឧសភា ឆ្នាំ២០២១ កម្លាំងមូលដ្ឋានកងរាជអាវុធហត្ថស្រុកអន្លង់វែងចំនួន០៣នាក់ ដឹកនាំដោយ លោក អនុសេនីយ៍ឯក ហើន សំបោន មេបញ្ជាការរងស្រុកអន្លង់វែងសហការជាមួយកម្លាំងអធិការនគរបាលស្រុកអន្លង់វែង ចំនួន០៦នាក់។

មន្ត្រីសុខាភិបាលនៃមន្ទីរពេទ្យបង្អែកស្រុកអន្លង់វែងចំនួន០៤នាក់ ដឹកនាំដោយលោក នៅ សំអន ប្រធានការិយាល័យប្រតិបត្តិស្រុកអន្លង់វែង និង ស្រុកត្រពាំងប្រាសាទចុះធ្វើការស្រាវជ្រាវករណី ឈ្មោះ ហិន វុត្ថា ភេទប្រុស អ្នកដើរលក់ឱសថរបស់ក្រុមហ៊ុនមួយមកពីទីក្រុងភ្នំពេញបានយកឱសថទៅលក់ឲ្យឈ្មោះ ត្រាច សុវណ្ណដែន ភេទស្រី អាយុ៣២ឆ្នាំ ផ្ទះគ្រូពេទ្យព្យាបាលឯកជន ជំងឺទូទៅនិងជំងឺកុមារ ស្ថិតនៅក្នុង ភូមិអូរជញ្ចៀនឃុំអន្លង់វែង ស្រុកអន្លង់វែង ខេត្តឧត្តរមានជ័យ កាលពីថ្ងៃទី២៨ ខែមេសា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការស្តាប់ការបំភ្លឺខ្លួនពិតជាបានទទួលទិញថ្នាំពេទ្យពីឈ្មោះហិន វិត្ថា ពិតប្រាកដមែន ដោយនៅពេលដែលទាក់ទងគ្នាគឺនៅមានគំលាតពីគ្នាចំងាយ១ម៉ែត្រដោយមានការពាក់ម៉ាស់ត្រឹមត្រូវ។

នៅវេលាម៉ោង១៥និង០០នាទីថ្ងៃខែឆ្នាំដដែលលោក ហោ ជិនវិរយុទ្ធ អភិបាលនៃគណៈអភិបាលស្រុកអន្លង់វែងបានដឹកនាំកម្លាំងចម្រុះចុះបិទទីតាំងខាងលើជាបណ្តោះអាសន្នដើម្បីធ្វើចត្តាឡីស័ក និង យកកំហាកដែលមានសមាជិកក្នុងក្រុមគ្រួសារនិងអ្នកជំងឺចំនួន១៦នាក់ស្រី១១នាក់៕

ដោយ ៖ ចាន់ ធី