ព័ត៌មានជាតិ

ព្រលានយន្តហោះថ្មីភ្នំពេញចេញគ្រោងអគារបណ្តើរៗ ក្រុមវិស្វករនៅតែពន្លឿនការងារតាមផែនការ

បានផុស

៤ years មុន

នៅ

ថ្ងៃសុក្រ ៧ ឧសភា ២០២១

ដោយ

ព្រលានយន្តហោះថ្មីនៅស្រុកកណ្តាលស្ទឹង ចាប់ផ្តើមដំណើរការសាងសង់ជាងមួយឆ្នាំ ពេលនេះគ្រោងអគារធំបានផុសត្រដែតលើផ្ទៃដីជាង ២ ពាន់ហិកតា ខណៈក្រុមវិស្វករនៅតែបន្តពន្លឿនការងារឲ្យចប់ទាន់ផែនការ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រលានយន្តហោះភ្នំពេញថ្មី ដែលស្ថិតនៅចម្ងាយជាង២០គីឡូម៉ែត្រ ពីរាជធានីភ្នំពេញ ត្រូវបានសាងសង់លើផ្ទៃដីសរុប២៦០០ហិកតា។ ព្រលានយន្តហោះកម្រិត 4F ការសាងសង់មាន៣ដំណាក់កាល ខណៈដំណាក់កាលទី១ នឹងបញ្ចប់នៅឆ្នាំ២០២៣ ដែលចំណាយថវិកាប្រហែល ១៥០០លានដុល្លារអាមេរិក ។

ដំណាក់កាលទី១ ដែលនឹងដាក់ឲ្យប្រើប្រាស់នៅឆ្នាំ២០២៣ អាចទទួលអ្នកដំណើរបានរហូតដល់១៣លាននាក់ ខណៈដំណាក់កាលទី២ នឹងបញ្ចប់នៅឆ្នាំ២០៣០ អាចទទួលអ្នកដំណើរបាន ៣០លាននាក់ និងដំណាក់កាលទី៣ នឹងបញ្ចប់នៅឆ្នាំ២០៥០ អាចទទួលអ្នកដំណើរបាន ៥០លាននាក់ក្នុង១ឆ្នាំ៕