ព័ត៌មានជាតិ

បុរសម្នាក់រងការរិះគន់ព្រោះបង្ហោះសារ “១ឆ្នាំអស់១ដុល្លារសម្រាប់កុមារសុទ្ធតែផុសលើហ្វេសបុកថេក១០នាក់”

បានផុស

៤ years មុន

នៅ

ថ្ងៃព្រហស្បតិ៍ ១២ វិច្ឆិកា ២០២០

ដោយ

ភ្នំពេញ ៖ បុរសម្នាក់មានឈ្មោះនៅក្នុង ហ្វេសបុកថា IMan-KH រងការរិះគន់យ៉ាងចាស់ដៃ ដោយសារបង្ហោះសារថា “១ឆ្នាំអស់១ដុល្លារ សម្រាប់កុមារសុទ្ធតែផុសលើហ្វេសបុក ហើយថេក១០នាក់។

ក្នុងសាររបស់បុរសដែលត្រូវគេរិះគន់ខាងលើនេះ ក៏បានសរសេរទៀតថា “២០ដុល្លារឲ្យស្រីក្នុងក្លិប១ខែ៣ទៅ៤ដង លាក់ឲ្យស្ងាត់ឈឹង ធ្វើល្អដើម្បីយកមុខ”។

ត្រឹមតែប៉ុន្មានឃ្លាខាងលើនេះ ធ្វើឲ្យអ្នកនិយមលេងបណ្ដាញសង្គមហ្វេសបុកមួយចំនួន នាំគ្នាខឹងសម្បារ និង រិះគន់យ៉ាងចាស់ដៃទៅលើបុរសខាងលើ ដោយមាននារីម្នាក់ឈ្មោះថា “Ly Houy” បានសរសេរ ខំមិន ឆ្លើយតបទៅបុរសខាងលើវិញថា “ហើយពូចូលKTVថតផុស?សុំទោស ចង់ដឹងមែនណាពូ ម្យ៉ាងវិញទៀតខ្ញុំគិតថា ពួកគាត់មិនមែនអួតទេ ព្រោះអួតធ្វើអីលុយ1$នឹង ប៉ុន្តែគឺផុសដើម្បីឲ្យអ្នកផ្សេងឃើញ មានមនសិការជួយសង្គមគាត់ចែករំលែកបន្តដែរ តែបើអ្នកគ្មានមនសិការទោះគេចូល 100$ 1000$ ក៏មនុស្សក្រុមនោះគ្មានចេះភ្ញាក់រលឹកដែរ! ហើយមកទល់ពេលនេះពួកគាត់ម្នាក់1$ បានរកលុយជូនមន្ទីរពេទ្យជាង កន្លះសែនដុល្លារហើយ វាជាការសាមគ្គីដ៏ល្អមួយ។

ហើយនិយាយចឹង ពូបានបរិច្ចាគនៅ?”

ក្នុងនោះក៏មាន ខំមិន ជាច្រើនទៀតដែលប្រតិកម្មជាមួយសាររបស់បុរសខាងលើ ដោយបុរសម្នាក់ដាក់ឈ្មោះក្នុងហ្វេសបុកថា “Santran Sicc” បានសរសេរ ខំមិនថា “មិនគួរណាបុគ្គលដែលបានឆ្លងកាត់ការអប់រំរហូតមានឈ្មោះជាគ្រូដូចលោកមានគំនិតអវិជ្ជមានដល់ថ្នាក់នឹងសោះ ពេលឃើញលោកផុសបែបនេះហើយខ្ញុំពិតជាអនិច្ចាដល់ឪពុកម្តាយរបស់លោកណាស់ដែលគាត់បានចំណាយញើសឈាមបង្កើតលោកមកហើយផ្គត់ផ្គង់អោយលោករៀនសូត្រតែបែរជាលោកមានគំនិតអវិជ្ជមានបែបនេះ”។

សូមបញ្ជាក់ថា នៅមាន Commnets និង Shares ជាច្រើនទៀតដែលបានធ្វើការរិះគន់បុរសខាងលើនេះ៕

ដោយ ៖ នាគព័ន្ធ