ព័ត៌មានជាតិ

ប្រជាពលរដ្ឋ៤៤២គ្រួសារ បានទទួលអំណោយមនុស្សធម៌របស់ឯកឧត្តម វង្ស ពិសេន

បានផុស

៤ years មុន

នៅ

ថ្ងៃអាទិត្យ ៩ ឧសភា ២០២១

ដោយ

ឯកឧត្តម នាយឧត្តមសេនីយ៍ វង្ស ពិសេន មេបញ្ជាការកងយោធពលខេមរភូមិន្ទ នឹងជាប្រធានក្រុមការងារចុះជួយមូលដ្ឋានស្រុកពារាំង បាននាំយកអំណោយមកចែកជូនដល់ពលរដ្ឋក្នុងភូមិត្នោតចំនួន៤៤២គ្រួសារ ដែលត្រូវបានបិទខ្ទប់ជាតំបន់ក្រហមពាក់ព័ន្ធព្រឹត្តិការណ៍(សហគមន៍ ២០កុម្ភៈ)ជាគ្រឿងឧបភោគបរិភោគ ក្នុង ភូមិត្នោត ឃុំរកា ស្រុកពារាំង ខេត្តព្រៃវែង ទាំងអស់នេះហើយដែលមានការយកចិត្តទុកដាក់ខ្ពស់ពី ឯកឧត្តម វង្ស ពិសេន ព្រមទាំងមានការចូលរួមពីសំណាក់ថ្នាក់ដឹកនាំជាច្រើនរូបទៀតព្រមទាំងអាជ្ញាធរភូមិឃុំរកាដោយមានការព្រួយបារម្ភខ្លាចបងប្អូន ប្រជាពលរដ្ឋ ខ្វះខាតនៅស្បៀងអាហារ ហើយអំណោយដ៏ថ្លៃថ្លារបស់ ឯកឧត្តម វង្ស ពិសេន បានផ្ដល់ជូននៅក្នុងថ្ងៃនេះ គឺអាចជួយសម្រួលបានមួយរយៈពេលផងដែរ នៅព្រឹកថ្ងៃទី៩ ខែឧសភា ឆ្នាំ២០២១ វេលាម៉ោង៧ព្រឹក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាឱកាសនោះផងដែរ ឯកឧត្តម វង្ស ពិសេន បានមានប្រសាសន៍ផ្ដាំផ្ញើ និងសួរសុខទុក្ខ ព្រមទាំងក្ដីនឹករលឹក អាណិតអាសូរក្រៃលែង ដែលជានិច្ចកាលលោក តែងតែគិតគូរសុខទុក្ខបងប្អូនប្រជាពលរដ្ឋជានិច្ច។ ហើយជាមួយគ្នានោះផងដែរឯកឧត្ដម វង្ស ពិសេន បានមានប្រសាសន៍ និងអំពាវនាវសុំឲ្យក្រុមគ្រួសារទាំងអស់ ចូលរួមពីវិធីកាត់បន្ថយហានិភ័យការឆ្លងជំងឺកូវីដ-១៩ ដើម្បីពង្រឹងការទប់ស្កាត់ចម្លងក្នុងសហគមន៍លើកកម្ពស់ការផ្លាស់ប្តូរទម្លាប់អនាម័យពី អវិជ្ជមាន ទៅវិជ្ជមាន ត្រូវបន្តជានិច្ច និងយកចិត្តទុកដាក់ខ្ពស់ត្រូវមានអនាម័យជាប្រចាំ ដោយលាងសំអាតដៃឲ្យបានញឹកញាប់ជាមួយសាប៊ូ ឬអាកុល ជែល ហើយត្រូវពាក់ម៉ាស់ឬក្រមាឲ្យបានជាប់ជានិច្ច និងត្រូវអនុវត្តតាមការណែនាំរបស់ក្រសួងសុខាភិបាល ព្រមទាំងធ្វើតាមការណែនាំអំពីរបៀបរស់នៅធម្មតា តាមបែបគន្លងថ្មី និងវិធានការការពារឆ្លងជំងឺកូវីដ-១៩ ជាពិសេសស្ដាប់ប្រសាសន៍របស់សម្ដេចអគ្គមហាសេនាបតីតេជោ ហ៊ុនសែន នាយករដ្ឋមន្ត្រី នៃព្រះរាជាណាចក្រកម្ពុជា មាន៖(៣ កុំ)(៣ ការពារ)

១.ត្រូវពាក់ម៉ាសការពារជាប្រចាំពេលធ្វើដំណើរ

២.លាងសម្អាតដៃជាមួយសាប៊ូ ទឹកអាល់កុល ឬជែល ឲ្យបានញឹកញាប់

៣.អនុវត្តរក្សាគម្លាតសុវត្ថិភាពយ៉ាងតិច១,៥០ម៉ែត្រពីអ្នកដទៃ ចំណែក(៣ កុំ)មាន៖

១.កុំចូលទៅកន្លែងបិទជិត មិនមានខ្យល់ចេញចូលគ្រប់គ្រាន់

២.កុំទៅកន្លែងមានមនុស្សអ៊ូអរ មានមនុស្សនៅជិតៗគ្នាច្រើន

៣.កុំប៉ះពាល់គ្នា កុំចាប់ដៃគ្នា កុំកៀកស្មាគ្នា កុំឱបគ្នាជាដើម។

ហើយសូមបញ្ជាក់ផងដែរថា អំណោយមនុស្សធម៌របស់ឯកឧត្តម វង្ស ពិសេន ដែលបានផ្ដល់ជូនប្រជាពលរដ្ឋក្នុងភូមិត្នោត ឃុំរកា ស្រុកពារាំង ខេត្តព្រៃវែងក្នុងនោះម្នាក់ៗទទួលបាន អង្ករ១បេ ២៥គីឡូ,មីម៉ាម៉ា១កេស,ទឹកបរិសុទ្ធ១កេស,ទឹកត្រី១យួរ,ទឹកស៊ីអ៊ីវ១យួរ,ត្រីខ៥កំប៉ុង,ទឹកក្រូច១០កំប៉ុង៕

អត្ថបទ៖ សៅគ្រី

Related Topics:លោក វង្ស ពិសេន