ព័ត៌មានជាតិ

G-Devith និងគូស្នេហ៍ជូនដំណើរកូនក្រុមលើកចុងក្រោយ

បានផុស

៤ years មុន

នៅ

ថ្ងៃចន្ទ ១០ ឧសភា ២០២១

ដោយ

តារាចម្រៀងរ៉េបលោក ងួន ចាន់ដេវីដ ហៅG-Devith និងគូស្នេហ៍ ទេព បូព្រឹក្ស បានបង្ហាញអារម្មណ៍តក់ស្លុតបំផុតក្រោយទទួលដំណឹងនៃការស្លាប់របស់អតីតកូនក្រុមស្ថិតក្នុងក្រុមរាំខ្លួនមរណភាពដោយសារគ្រោះថ្នាក់ចរាចរណ៍។

ដំណឹងដ៏រន្ធត់នេះបានធ្វើឲ្យតារាចម្រៀងគូស្នេហ៍មួយគូរនេះ ពិតជាសោកស្តាយនិងក្រៀមក្រំបំផុតខណ:ដែលល្ងាចថ្ងៃទី០៩ ខែឧសភា ឆ្នាំ២០២១ម្សិលមិញG-Devithនិង ទេព បូព្រឹក្ស ក៏បានបង្ហាញវត្តមានចូលរួមបុណ្យសពជាការជូនដំណើរលើកចុងក្រោយផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយ:ខ្លឹមសារនិងរូបភាពដ៏សោកសៅនោះ G-D evith បានរៀបរាប់ថា ការជូនដំណើរលើកចុងក្រោយជាការជូនដំណើរដែលមនុស្សគ្រប់គ្នាមិនចង់ជួប មិនចង់ពាល់ តែមិនអាចជៀសផុត ។ តែអ្វីដែលឈឺចាប់នោះ គឺសក់សជូនដំណើរសក់ខ្មៅ។ សូមប្អូនទៅកាន់សុគតិភព គីម សែ ។

សូមបញ្ជាក់ថា បុរសវ័យក្មេងម្នាក់ដែលគេដឹងថា ជាអតីតកូនក្រុមស្ថិតក្នុងក្រុមរាំរបស់តារាចម្រៀង G-Devith និង ទេព បូព្រឹក្ស បានជួបហេតុការណ៍គ្រោះថ្នាក់ចរាចរណ៍ដ៏រន្ធត់បណ្តាលឲ្យស្លាប់ក្រោយបញ្ចូនទៅមន្ទីពេទ្យ។

ហេតុការណ៍គ្រោះថ្នាក់ចរាចរណ៍ដ៏រន្ធត់នេះ បានកើតឡើងកាលពីវេលាម៉ោង៧និង៣៥នាទីយប់ថ្ងៃទី០៨ ខែឧសភាឆ្នាំ២០២១ស្ថិតនៅតាមបណ្ដោយផ្លូវជាតិលេខ៤ ចំណុចជិតស្តុបទំនប់កប់ស្រូវក្នុងភូមិព្រៃស្វាយ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ៕

អត្ថបទ ៖ ចាន់រ៉ា