ព័ត៌មានជាតិ
អ្នកកាប់អុសម្នាក់រើសបានកាំភ្លើង AK47 មួយលាក់ទុកបាញ់សត្វ ត្រូវអាវុធហត្ថសហការអង្គការសម្ព័ន្ធមិត្តសត្វព្រៃឃាត់ខ្លួន
អ្នកកាប់អុសម្នាក់ ត្រូវបានកម្លាំងអាវុធសហការជាមួយអង្គការសម្ព័ន្ធមិត្តសត្វព្រៃ ឃាត់ខ្លួនជាមួយនឹងអាវុធ AK47 មួយដើម ខណៈពេលចុះល្បាតព្រៃក៏ជួបជនសង្ស័យកំពុងបើកគោយន្តចេញពីកាប់អុស និងបង្គោលរបង។
លោកវរសេនីយ៍ត្រី ណុល ដារ៉ា ប្រធានមន្ទីរយុត្តិធម៌ កងរាជអាវុធហត្ថខេត្តកំពង់ស្ពឺ បានប្រាប់ឲ្យដឹងនៅថ្ងៃទី១០ ខែឧសភា ឆ្នាំ២០២១ នេះថា ជនសង្ស័យមានឈ្មោះ ជួន ជាង ភេទប្រុស អាយុ៤១ឆ្នាំ មុខរបរកសិករ មានទីលំនៅភូមិអង្ក្រង ឃុំត្រពាំងជោ ស្រុកឪរ៉ាល់ ខេត្តកំពង់ស្ពឺ។ ជនសង្ស័យជាប់ពាក់ព័ន្ធករណីកាន់កាប់ដឹកជញ្ជូនអាវុធ ដោយគ្មានការអនុញ្ញាត ។ ចំពោះវត្ថុតាងដែលដកហូតបានរួមមាន៖ អាវុធ AK47 មួយដើម លេខ 1967 3A2680 បង់០១ និងគ្រាប់ចំនួន ៥៨គ្រាប់។
តាមចម្លើយជនសង្ស័យបានសារភាពថា ដោយមិនចាំថ្ងៃខ្លួនបានចូលព្រៃ ដើម្បីកាប់បង្គោលរបងហើយបានប្រទះកាំភ្លើង AK ស្វាយមួយដើមរួចក៏រើសយកទៅលាក់ទុក និងយកថ្នាំខ្មៅទៅបាញ់ឲ្យថ្មីសម្រាប់បរគ្រាន់បាញ់សត្វព្រៃ។ នៅថ្ងៃបន្ទាប់ខ្លួនបានដើរឆ្លុះសត្វ និងបាញ់សត្វអស់គ្រាប់បានសត្វទន្សាយ៣ក្បាល។ ជនសង្ស័យបានសារភាពទៀត ក្រោយពីបាញ់បានទន្សាយ ៣ក្បាលខ្លួនបានលាក់កាំភ្លើងនោះទៀត រហូតថ្ងៃកើតហេតុគាត់ចូលកាប់បង្គោលរបងក្នុងព្រៃ ហើយបានយកកាំភ្លើងដែលលាក់ទុកដាក់លើគោយន្តថា ក្នុងបំណងយកទៅប្រគល់មេភូមិ ប៉ុន្តែតាមផ្លូវបានជួបកម្លាំងប៉េអិម និងអង្គការសម្ព័ន្ធមិត្តសត្វព្រៃចាប់ខ្លួនតែម្តង។
សូមបញ្ជាក់ថា ជនសង្ស័យត្រូវបានឃាត់ខ្លួន កាលពីថ្ងៃទី០៨ ខែឧសភា ឆ្នាំ២០២១ នៅចំណុច ភូមិស្រែកិន ឃុំត្រពាំងជោ ស្រុកឪរ៉ាល់ ខេត្តកំពង់ស្ពឺ ដោយទទួលបានបទបញ្ជាពីលោកឧត្ដមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្តកំពង់ស្ពឺ និងមានការសម្របសម្រួលនីតិវិធីដោយលោកស្រី ចាត សូរស្មី ព្រះរាជអាជ្ញាអមសាលាដំបូង ខេត្តកំពង់ស្ពឺ ។ បច្ចុប្បន្នជនសង្ស័យរួមទាំងវត្ថុតាង កម្លាំងកងរាជអាវុធហត្ថកំពុងបំពេញនីតិវិធ និងកសាងសំណុំរឿងបញ្ជូនទៅតុលាការដើម្បីចាត់ការផ្លូវច្បាប់៕
អត្ថបទ៖ ភួង រដ្ឋា
សូមចុចអាន៖ កុមារាអាយុ៦ ឆ្នាំលង់ទឹកស្លាប់ក្នុងអាងទឹក ពេលម្តាយកំពុងលង់លក់
នាយកសាលា ហ៊ុន សែន ជម្ពូវ័នហាមដាច់ខាតមិនឱ្យលក់ ឬ ពិសាគ្រឿងស្រវឹងក្នុងពិធីសង្ក្រាន្ត
ក្រសួងសុខាភិបាល ៖ មន្ទីរពេទ្យត្រូវយកចិត្តទុកដាក់កសាងសមត្ថភាពនិងពង្រឹងក្រមសីលធម៌វិជ្ជាជីវៈ
វិថីអាហារដែលមានរចនាបថខ្មែររួមនឹងការបង្ហាញពីវប្បធម៌ប្រពៃណីជាតិ និងលេចរូបរាងចំកណ្តាលក្រុងកំពត
សហជីព ៖ ការកេងចំណេញនយោបាយពីការដំឡើងពន្ធអាមេរិក គឺជាចរិតនយោបាយដ៏ខ្មៅកខ្វក់របស់ក្រុមប្រឆាំង
កម្ពុជានឹងទម្លាក់ពន្ធនាំចូលទំនិញអាមេរិក ១៩ ប្រភេទ មកត្រឹម ៥%
Breaking News! ផ្ទុះការបាញ់គ្នាដ៏រន្ធត់ នៅក្បែរផ្សារខេត្ត Samut Prakan ប្រទេសថៃ
រកឃើញសាកសព Miss Tourism 2018 បន្ទាប់ពីគ្រោះរញ្ជួយដីនៅប្រទេសមីយ៉ាន់ម៉ា
កម្ពុជានឹងទម្លាក់ពន្ធនាំចូលទំនិញអាមេរិក ១៩ ប្រភេទ មកត្រឹម ៥%
រុស្ស៊ី ដាក់លក្ខខណ្ឌថ្មីទៅអាមេរិក បើចង់ឲ្យមានកិច្ចព្រមព្រៀងសន្តិភាពជាមួយ អ៊ុយក្រែន
លាចាកសិក្ខាបទបាន៩ថ្ងៃ អតីតសង្ឃ ជួន កក្កដា ត្រូវបានតែងតាំងជា អនុរដ្ឋលេខាធិការក្រសួងធម្មការ
-
ព័ត៌មានជាតិ៣ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ១ សប្តាហ៍ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ៣ ថ្ងៃ agoមីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ព័ត៌មានជាតិ២ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ចរាចរណ៍៤ ថ្ងៃ agoរថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
ព័ត៌មានជាតិ១ សប្តាហ៍ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៤ ថ្ងៃ agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់