ព័ត៌មានជាតិ

អាជ្ញាធរនៃមន្ទីរវប្បធម៌និងវិចិត្រសិល្បៈខេត្តឧត្តរមានជ័យ ទទួលបានបុរាណវត្ថុពីព្រះសង្ឃគង់នៅវត្តរួតចំប៉ី

បានផុស

៤ years មុន

នៅ

ថ្ងៃចន្ទ ១០ ឧសភា ២០២១

ដោយ

ឧត្តរមានជ័យ ៖ នៅថ្ងៃទី១០ ខែឧសភា ឆ្នាំ២០២១ លោក ហុង យឿន ប្រធានមន្ទីរវប្បធម៌និងវិចិត្រសិល្បៈខេត្តឧត្តរមានជ័យ បានដឹកនាំមន្ត្រីការិយាល័យបេតិកភណ្ឌ ចុះធ្វើការប្រគល់ និងទទួលបុរាណវត្ថុចំនួន ៦ ដុំ/រូប ពីព្រះសង្ឃគង់នៅវត្តរួតចំប៉ី ដើម្បីយកមកថែរក្សាទុកជាសម្បត្តិបេតិកភណ្ឌជាតិយើងទាំងអស់គ្នា។ នៅក្នុងការប្រគល់ និងទទួលបុរាណវត្ថុនេះគឺមានការសហការ ជាមួយនគរបាលការពារបេតិកភណ្ឌខេត្ត មន្ត្រីរដ្ឋបាលក្រុងសំរោង លោកចៅសង្កាត់អូរស្មាច់ លោកមេប៉ុស្តិ៍ មេភូមិ រួតចំប៉ី ហើយនិងប្រជាការពារ ភូមិផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះដែរក៏បានចុះពិនិត្យ និងចុះបញ្ជីសារពើភណ្ឌធ្វើសលាកបត្របុរាណវត្ថុចំនួន ១០ ដុំ/រូប នៅវត្តគីរីមង្គល (វត្តអូរស្មាច់) និងបានធ្វើលិខិតការធានារក្សាទុកបុរាណវត្ថុ ជាមួយចៅអធិការវត្ត ដែលធានាការរក្សាទុកបុរាណវត្ថុទាំងនោះកុំឲ្យបាត់បង់ ឬ ខូចខាតដោយប្រការណាមួយ៕

ដោយ ៖ ចាន់ ធី