ព័ត៌មានជាតិ

អភិបាលក្រុង បន្តចែកម៉ាស់ដោយផ្ទាល់ដៃជូនអ្នកដំណើរ

បានផុស

៤ years មុន

នៅ

ថ្ងៃសុក្រ ១៣ វិច្ឆិកា ២០២០

ដោយ

នៅព្រឹកថ្ងៃទី១៣ ខែវិច្ឆិកា ឆ្នាំ២០២០នេះ អភិបាលនៃគណៈអភិបាលរាជធានីភ្នំពេញ លោក ឃួង ស្រេង បន្តដឹកនាំមន្ត្រី ចុះចែកម៉ាស់ក្រណាត់របស់សម្ដេចតេជោ ហ៊ុន សែន នាយករដ្ឋមន្ត្រីកម្ពុជា ជូនប្រជាពលរដ្ឋដែលធ្វើដំណើរតាមដងផ្លូវ នៅចំណុចស្តុបអ៊ីនធើកុងទីណង់តាល់ ខណ្ឌចំការមន រាជធានីភ្នំពេញ។

សកម្មភាពនេះ គឺដើម្បីរំលឹកដល់ប្រជាពលរដ្ឋ ត្រូវពាក់ម៉ាស់ជាប់ជានិច្ចទៅតាមការណែនាំរបស់ក្រសួងសុខាភិបាល ដើម្បីការពារនូវការរីករាលដាលនៃជំងឺកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងការចែកម៉ាស់ផ្ទាល់ដៃជូនទៅដល់អ្នកដំណើរនេះ អភិបាលរាជធានីភ្នំពេញ បានណែនាំឲ្យប្រជាពលរដ្ឋ អនុវត្តវិធានរបស់ក្រសួងសុខាភិបាលដោយត្រូវពាក់ម៉ាស់ លាងដៃនឹងអាល់កុល ការសម្អាត អនាម័យខ្លួនប្រាណ និងការរក្សាគម្លាតសុវត្ថិភាព ជាដើម ។

លោកបញ្ជាក់ថា ម៉ាស់ទាំងនេះ ជាអំណោយរបស់សម្ដេចតេជោ ហ៊ុន សែន នាយករដ្ឋមន្ត្រី ដោយសម្ដេចបានប្រគល់មករដ្ឋបាលរាជធានីភ្នំពេញ ដើម្បីចែកជូនដល់ប្រជាពលរដ្ឋក្រីក្រ នៅក្នុងសហគមន៍ដែលមិនមានថវិកាគ្រប់គ្រាន់ក្នុងការទិញម៉ាស់ពាក់ការពារជំងឺកូវីដ-១៩ ៕

អត្ថបទ ៖ ស្រីរ័ត្ន